Relikt выдаў альбом-падарожжа ў залатыя часы беларускага рока АЎДЫЯ
Беларускі гурт Relikt выдаў альбом «Byli, Jość, Budziem». Рэліз можна назваць скарбонкай беларускага рока — на ім змясціліся кампазіцыі вядомых гуртоў і выканаўцаў з 1980-90-х: «Мроі», ULIS, «Бонды», «Камэлота», Сяржука Сокалава-Воюша і іншых, паведамляе Budzma.by.
«Многія раслі на беларускай музыцы, але, на жаль, з цягам часу старыя стужкі заціраюцца і аказваюцца на сметніку, а добрае забываецца. І ўсё ж так быць не павінна — трэба захоўваць успаміны пра шчаслівую будучыню, якімі жылі таленавітыя беларусы, нашы гіганты, у часы, калі краіна дыхала паветрам Адраджэння», — адзначае бубнач Relikt Аляксандр Дземідзенка.
Сярод іншых на альбоме можна пачуць пераасэнсаваныя ў розных музычных стылях ад пост-панка да пост-рока каверы «Atlantyda», «Plac Francyska», «Kraina taleraŭ», «Ja žyŭ», «Biełaruś maja».
На вокладцы «Byli, Jość, Budziem» выяўленыны стылізаваны партрэт культавага беларускага музычнага журналіста і крытыка Вітаўта Мартыненкі.
«Гэтым альбомам мы хацелі аддаць даніну павагі не толькі «генералам айчыннага року», але і такім асобам, як, напрыклад, Анатоль Мяльгуй, Вітаўт Мартыненка, Сяргей Філімонаў, — усім тым, хто рупіўся на ніве Беларушчыны», — падкрэслівае Аляксандр Дземідзенка.
Паслухаць і спампаваць альбом можна тут.
У загінулай у Сляпянцы дзяўчыне апазналі Яну Кастранкову2
Каментары