10 ліпеня ў шпіталі ў Свіслачы на Гарадзеншчыне пасля цяжкай і працяглай хваробы памёр паэт і грамадскі актывіст Анатоль Валюк, паведамляюць гарадзенскія праваабаронцы.
Анатоль Валюк нарадзіўся 1 студзеня 1961 года ў вёсцы Вішнеўка (Зэльвенскі раён). Вучыўся ў Горадні, але большая частка ягонага жыцця прайшла ў Свіслачы, дзе ён працаваў журналістам, настаўнікам, на розных іншых працах.
Анатоль Валюк быў адным з ініцыятараў ушанавання памяці братоў Каліноўскіх у Свіслачы і Якушоўцы, неаднаразова пераследаваўся ўладамі за сваю грамадскую дзейнасць. Быў дэпутам раённага савету, сябрам многіх беларускіх грамадскіх арганізацый.
Быў таленавітым паэтам са сваім адметным стылем вершаскладання, быў сябрам Саюзу беларускіх пісьменнікаў. Выдаў два зборнікі вершаў. Апошні, «Музыка вятроў», быў укладзены ў 2008 годзе.
Пахаваны Анатоль Валюк будзе на сваёй малой радзіме.
-
Хэдлайнерам канцэрта ў Мінску ў Дзень Перамогі стане Алег Газманаў
-
Палітвязня Уладзіміра Кнігу трэці раз будуць судзіць за «злоснае непадпарадкаванне» ў калоніі
-
Севярынец: Мы не павінны быць ружовымі поні і казаць, што мы будзем гладзіць па галаве тых самых кадэбістаў альбо спецназаўцаў, якія б’юць людзей
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца11
Каментары