10 lipienia ŭ špitali ŭ Śvisłačy na Haradzienščynie paśla ciažkaj i praciahłaj chvaroby pamior paet i hramadski aktyvist Anatol Valuk, paviedamlajuć haradzienskija pravaabaroncy.
Anatol Valuk naradziŭsia 1 studzienia 1961 hoda ŭ vioscy Višnieŭka (Zelvienski rajon). Vučyŭsia ŭ Horadni, ale bolšaja častka jahonaha žyćcia prajšła ŭ Śvisłačy, dzie jon pracavaŭ žurnalistam, nastaŭnikam, na roznych inšych pracach.
Anatol Valuk byŭ adnym ź inicyjataraŭ ušanavańnia pamiaci bratoŭ Kalinoŭskich u Śvisłačy i Jakušoŭcy, nieadnarazova pieraśledavaŭsia ŭładami za svaju hramadskuju dziejnaść. Byŭ deputam rajonnaha savietu, siabram mnohich biełaruskich hramadskich arhanizacyj.
Byŭ talenavitym paetam sa svaim admietnym stylem vieršaskładańnia, byŭ siabram Sajuzu biełaruskich piśmieńnikaŭ. Vydaŭ dva zborniki vieršaŭ. Apošni, «Muzyka viatroŭ», byŭ układzieny ŭ 2008 hodzie.
Pachavany Anatol Valuk budzie na svajoj małoj radzimie.
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary