У ЗША хтосьці выйграў самы вялікі джэкпот у гісторыі — 2 мільярды даляраў
Амерыканская латарэя Powerball абвясціла, што пасля розыгрышу ў панядзелак у адным з набытых квіткоў супалі ўсе лічбы. Такім чынам, пакуль невядомы ўладальнік шчаслівага білета сарваў самы буйны джэкпот у гісторыі — яго памер склаў 2,04 млрд даляраў, паведамляе Бі-бі-сі.
Праўда, на практыцы гэты чалавек (або група людзей) могуць атрымаць нашмат менш. Квіткі Powerball каштуюць 2 даляры, і ў пераможцы ёсць магчымасць выбраць альбо аднаразовы (крыху меншы) плацеж, які складзе 997,6 млн даляраў да выплаты падаткаў, альбо атрыманне поўнай сумы ў выглядзе ануітэта (гэта значыць штогадовай выплаты), які пералічваецца на працягу 29 гадоў. Амаль усе пераможцы выбіраюць варыянт выплаты наяўнымі.
Пра таго, хто менавіта купіў шчаслівы латарэйны білет, пакуль не паведамляецца. Вядома толькі, што білет набылі ў Каліфорніі, на тэрыторыі Алтадзіны, непадалёк ад Лос-Анджэлеса.
Яшчэ адзін чалавек выйграў 2 млн даляраў, а 21 білет прынясе ўладальнікам па мільёне даляраў.
Па меры таго, як на працягу трох месяцаў нікому не ўдалося адгадаць запаветныя нумары, прызавы выйгрыш працягваў расці.
Па даных Powerball, шанцы на выйгрыш джэкпота ў розыгрышы складалі адзін да 292,2 мільёна.
Папярэдні сусветны рэкорд па памеры джэкпота быў у 2016 годзе, калі 1,59 млрд даляраў былі падзеленыя паміж трыма гульцамі Powerball.
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі11
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары