«Пасля звальнення з Крамля Чубайс усё часцей наведвае Ізраіль. Ён і яго жонка яшчэ вясной атрымалі ізраільскае грамадзянства, якое дае ім права без віз падарожнічаць і жыць у Еўропе», — піша тэлеграм-канал «Можем объяснить».
У інтэрнэце з'явілася фатаграфія экс-кіраўніка «Раснана» і экс-памочніка Пуціна Анатоля Чубайса ў Тэль-Авіве. «Толькі Чубайс з такім напалеонаўскім выглядам можа сядзець у тэль-авіўскім кафэ ў снежні 2022 года. Зрэшты, у сэнсе асабістага ўзбагачэння ён, несумненна, усім задаволены», — пракаментаваў фатаграфію ў сваім канале палітолаг Фёдар Крашэніннікаў.
Анатоль Чубайс без тлумачэння прычын пакінуў пасаду спецпрадстаўніка прэзідэнта яшчэ ў канцы сакавіка. Паведамлялася, што ён быў у Турцыі, Італіі і на Кіпры. У маі яго і жонку Дуню Смірнову заўважылі ў Ізраілі. «Нядаўна Анатоль Барысавіч наведаў Турцыю, а затым Ізраіль, дзе абмяркоўваў пытанні супрацоўніцтва з шэрагам універсітэтаў», — сказаў ТАСС яго прадстаўнік.
Знаёмы Чубайса распавёў, што былы чыноўнік неўзабаве пасля ад'езду з Расіі прайшоў працэдуру аліі — атрымання ізраільскага грамадзянства.
Пра яўрэйскія карані Чубайса было вядома даўно: у 2017 годзе ізраільскі партал паведамляў: «Мама Анатоля Чубайса, Раіса Яфімаўна Сегал [паводле звестак Вікіпедыі — Сагал], прывіла сыну любоў да яўрэйскага народа».
З вясны Чубайс рэгулярна наведвае Ізраіль. Былы чыноўнік ненадоўга прыязджаў туды і ў сярэдзіне лістапада, распавядаў «МО» яшчэ адзін яго знаёмы. Візіт Чубайса ў канцы снежня можа азначаць, што Новы год экс-прыватызатар Расіі будзе сустракаць на новай радзіме.
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары