На Гомельшчыне плануюць павялічыць вытворчасць грыба яжовіка грабенчатага — грыба, які апошнім часам набыў вялікую папулярнасць дзякуючы сваім карысным уласцівасцям.
Гэты і іншыя віды грыбоў вырошчваюць на прадпрыемстве «Даманавіцкая грыбная даліна», размешчаным у Калінкавіцкім раёне. Асноўны напрамак яго дзейнасці — вытворчасць вешанак і шыітаке. Аднак цяпер прадпрыемства збіраецца пашыраць вырошчванне так званых грыбоў-біястымулятараў.
Кіраўнік прадпрыемства Іван Слука паведаміў, што пасля атрымання неабходных тэхнічных умоў вытворчасць яжовіка будзе пераведзена на прамысловы ўзровень. Плануецца выпускаць не менш за адну тону зернеміцэлію, а таксама свежыя і сушаныя пладовыя целы грыба для непасрэднага продажу. Акрамя таго, з яго будуць вырабляць парашок і капсуляваны прадукт.
Папулярнасць яжовіка грабенчатага звязваюць з яго патэнцыйным уплывам на працу мозгу і нервовай сістэмы. Яго называюць прыродным наатропам, адаптагенам і біястымулятарам. Як сцвярджаецца, гэты грыб здольны стымуляваць рост і аднаўленне клетак галаўнога мозгу.
Таксама яму прыпісваюць здольнасць спрыяць нейрапластычнасці, зніжаць рызыку дэменцыі і кагнітыўных парушэнняў, памяншаць трывожнасць, паляпшаць настрой, падтрымліваць імунную сістэму і працу страўнікава-кішэчнага тракту.
Праўда, магчымы эфект ад ужывання яжовіка не праяўляецца адразу, а мае назапашвальны характар.
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»33
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2525
Каментары