Нерухомасць1010

«Больш элітны за Дразды». У Мінску прадаюць дом за рэкордныя грошы

У канцы 2022 года на продаж выставілі асабняк за 3,65 мільёна даляраў, які на сёння з'яўляецца самым дарагім прадаваным домам у Беларусі. Нягледзячы нават на тое, што ён не дабудаваны. Але такую цану прадавец абумоўлівае ў тым ліку лакацыяй. «Больш элітны за Дразды. Даражэйшы за Італію», гаворыцца ў аб'яве. Дзе знаходзіцца гэты катэдж, піша Realt.by.

Што гэта за дом?

Гэты трохпавярховы цагляны дом, пабудаваны (але не завершаны) у 2015 годзе. Дах — мяккая чарапіца, падаконнікі — камень. Усе гарадскія камунікацыі праведзеныя.

Плошча дома — 1365 квадратных метраў. Усярэдзіне там пакуль што так, як на фота.

Участак — 25 сотак.

«Больш элітны за Дразды. Даражэйшы за Італію. Усё, як вы любіце! Пасёлак закрытага тыпу. Аналагаў у Беларусі няма. Эксклюзіў і іншыя эпітэты. На тэрыторыі ўсяго 20 катэджаў. Ахова, КПП, відэаназіранне, абгароджаная тэрыторыя і іншая любата. Для вашага камфорту закрытая альтанка з кухняй, вялікай зонай для барбекю, караоке, штучны зарыблены вадаём, сцежкі для прагулак, тэнісныя корты, дзіцячыя пляцоўкі», — пішуць у аб'яве.

І што гэта за пасёлак?

Пасёлак, пра які ідзе гаворка, знаходзіцца ў тупіку вуліцы Кальцова. Ён пабудаваны ў 2015 годзе. З аднаго боку ад яго лес, з другога — Цнянскае вадасховішча.

Вось прыкладныя межы гэтага пасёлка на карце (дом, які прадаецца — пад нумарам 209).

Фармальна гэты пасёлак падзелены на два зямельныя ўчасткі, але фізічных межаў паміж гэтымі ўчасткамі няма. Адзін быў перададзены ў арэнду кампаніі «Дана Астра», іншы — кааператыву «Новае Кольца». Менавіта гэтыя арганізацыі адказваюць за ўтрыманне і добраўпарадкаванне пасёлка, а таксама за пропуск на яго тэрыторыю.

Асабняк, які прадаецца, знаходзіцца на ўчастку, якім кіруе «Новае Кольца». Тут кожны ўчастак каля дома належыць уласніку канкрэтнага дома.

У гэтым пасёлку ёсць і свае вуліцы — напрыклад, вуліца Стэфаніі Станюты. У 2019 годзе была такая гісторыя, што праўнучку славутай актрысы Меліціну не пусцілі на вуліцу імя яе бабулі, таму што пасёлак закрыты. Гэта атрымала рэзананс у СМІ, у выніку прадстаўнікі «Даны» нават правялі Меліціне і яе бацьку экскурсію па гэтай закрытай вуліцы.

Каментары10

  • K
    06.01.2023
    Якое ўбоства. Аналаговнет.
  • маленькая архітэктарка цемры
    06.01.2023
    гэта дамавіна мо якога архімандрыта? ці як іх там велічаць?
    глядзіце (зверху) - у плане ўтварае крыж... збоку нешта нейкае там круглае прыбудавана... званіца? дамавая царква? усыпальня?
    цыбулькі асляпіцяльныя зверху бабахнуць і... оп! гатовая царква
  • Лол
    06.01.2023
    Тэрыторыя вакол зусім малая, знешне тыповы безгустоўны аграхайтэйк. На тры мільёна зусім не цягне. Для параўнання ўзгадайце дом героя з фільма «Один дома». Вось нядаўна яго прадавалі прыкладна за такую ж суму.

Юрась Зянковіч расказаў пра сваё вызваленне і шлях у ЗША6

Юрась Зянковіч расказаў пра сваё вызваленне і шлях у ЗША

Усе навіны →
Усе навіны

У Полацкім раёне міліцыянеры спынялі п'янага трактарыста стрэламі па колах

Зянковіч пра Верамейчыка: Ужывалі фізічны гвалт, каб прымусіць яго сказаць на БТ тое, што хочуць пачуць12

У Мінску гатовыя плаціць 2000 рублёў у месяц за паяданне піцы1

Прэм'ер Канады — Трампу: Канада не прадаецца1

Што вядома пра былога каліноўца Васіля Грачыху, які трапіў у рукі беларускага КДБ?4

Сёння ў Ватыкане пачынаецца канклаў кардыналаў. Будзе абраны новы Папа

Культура «бум-бум» захоплівае Захад. Замест сціпласці — вульгарнасць і паказное багацце6

Індыя нанесла ўдар абмежаванага маштабу па некалькіх цэлях у Пакістане6

Polityka пра зніклыя грошы КР: Агулам былі знятыя 118 тысяч еўра11

больш чытаных навін
больш лайканых навін

Юрась Зянковіч расказаў пра сваё вызваленне і шлях у ЗША6

Юрась Зянковіч расказаў пра сваё вызваленне і шлях у ЗША

Галоўнае
Усе навіны →

Заўвага:

 

 

 

 

Закрыць Паведаміць