Землятрус у Турцыі: з-пад завалаў выратавалі 10-дзённае немаўля, агульная карціна бедства жахлівая
З Турцыі і Сірыі працягваюць прыходзіць паведамленні пра людзей, якія цудам засталіся жывыя і выратаваліся праз шмат гадзін пасля землятрусу. Але, па словах ратавальнікаў, гэта асобныя выпадкі, і надзей на новыя падобныя цуды амаль не застаецца, піша Бі-бі-сі.
У турэцкай правінцыі Хатай удалося дастаць з-пад руін дома маці і яе 10-дзённага сына, якія правялі пад заваламі 90 гадзін. Мясцовыя СМІ апублікавалі фатаграфіі маленькага Ягіза, загорнутага ў цеплаахоўную пластыкавую коўдру, якую нясуць у машыну хуткай дапамогі.
У Сірыі тысячы людзей прапанавалі ўдачарыць нованароджаную дзяўчынку, якую дасталі з-пад абломкаў дома на паўночным захадзе краіны. Айя, што па-арабску азначае «цуд», была ўсё яшчэ звязана пупавінай са сваёй маці, якая разам з іншымі роднымі дзяўчынкі загінула пры землятрусе.
Паводле апошніх звестак, у выніку катастрафічнага землятрусу ў Турцыі і Сірыі, які адбыўся ў мінулы панядзелак, загінула больш за 23 тысячы чалавек.
Разбор завалаў працягваецца, але шанцаў дастаць адтуль жывых амаль няма.
Эксперты ААН кажуць, што поўнай карціны ахвяр і разбурэнняў яшчэ няма, але ўжо цяпер можна канстатаваць, што наступствы землятрусу жахлівыя.
Дзясяткі тысяч людзей, якія страцілі дом, вымушаныя хавацца ад мінусавай тэмпературы ў ацалелых гандлёвых цэнтрах, мячэцях і на стадыёнах. У горадзе Шанлыурфа, адным з самых моцна пацярпелых ад землятрусу, каля паўтары тысячы чалавек ужо некалькі начэй правялі ў палатках.
-
Пуцін запатрабаваў ад Украіны прызнаць «рэферэндумы» на акупаваных тэрыторыях і адмовіцца ад уступлення ў «любыя замежныя саюзы»
-
«Значыць, я шмат добрага зрабіла». За што расійскую валанцёрку Надзін Гейслер, якая дапамагала ўкраінцам, прыгаварылі да 22 гадоў калоніі
-
Кіраўнік палесцінскага падраздзялення КВІР забіты ў кватэры ў Іране
Цяпер чытаюць
Лукашэнка сустракаецца са спецпасланнікам Трампа Кітам Келагам1
Каментары