Свет

У Аўстраліі элітнага скакавога каня ўсыпілі, а цела проста выкінулі на сметнік

Аўстралійскага скакавога каня So You Are знайшлі мёртвым на сметніку прамысловых адкідаў у Сіднэі. Гэта адбылося праз два тыдні пасля таго, як ён заняў восьмае месца на прэстыжных скачках Кубак Мельбурна, піша Euronews.

Скрыншот з відэа

Цела каня знайшоў адзін з мінакоў. Ён апублікаваў відэа знаходкі ў сацыяльных сетках і абурыўшыся тым, што парэшткі жывёліны апынуліся на сметніку.

Трэнер Б'ёрн Бэйкер паведаміў, што чыстакроўны жарабец не выжыў пасля цяжкога прыступу колікі. Яго тэрмінова даставілі ў спецыялізаваную ветэрынарную клініку для аказання неадкладнай дапамогі, але выратаваць жывёліну не ўдалося.

Пазней трэнер заявіў, што глыбока засмучаны тым, як абышліся з целам каня. Паводле яго слоў, So You Are пры жыцці любілі, а пасля смерці конь заслугоўваў годнага і паважлівага да сябе стаўлення. Ветэрынарная клініка REC Equine Specialists пачала расследаванне здарэння.

У клініцы прынеслі прабачэнні за абурэнне, выкліканае публікацыяй відэа, і прызналі, што парэшткі каня павінны былі своечасова і з павагай пахаваць.

Там патлумачылі, што жывёліну ўсыпілі пад анестэзіяй, пасля чаго яе забраў падрадчык і адвёз на ліцэнзаваны палігон для адкідаў. У клініцы назвалі тое, што адбылося, непрымальным і непаважлівым у дачыненні да каня і ўсіх, хто пра яго клапаціўся.

У выніку клініка заявіла, што неадкладна спыняе супрацоўніцтва з гэтым падрадчыкам.

Рэгулюючы орган скачак штата Новы Паўднёвы Уэльс Racing NSW паведаміў, што, згодна з рэкамендацыямі мясцовага Дэпартамента першасных галін, ліцэнзаваныя палігоны з'яўляюцца пажаданым месцам для ўтылізацыі жывёл, якія памерлі ў выніку эўтаназіі. Гэта звязана з выкарыстаннем хімічных рэчываў падчас працэдуры.

Цяпер праводзіцца праца, каб вызначыць, якія меры можна прыняць, каб падобныя выпадкі не паўтараліся.

Каментары

Цяпер чытаюць

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля24

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Усе навіны →
Усе навіны

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой54

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін9

Навукоўцы прыдумалі аднаразовыя кубачкі для кавы без кроплі пластыку2

«Рамантаваць будзе складаней, чым будаваць з нуля». Ці магчыма хутка аднавіць Крымскі мост?8

Жанчына злавіла ў Друці больш чым 13‑кілаграмовага шчупака ФОТАФАКТ4

У Дзяржынску ў пенсіянеркі здарыўся інсульт адразу пасля таго, як яе выпісалі з бальніцы пасля аперацыі1

Google зрабіла стаўку на тэхналогію, якая для здабычы электрычнасці выпарвае горныя пароды5

У Беларусі збіраюцца больш актыўна паляваць на зуброў2

больш чытаных навін
больш лайканых навін

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля24

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Галоўнае
Усе навіны →

Заўвага:

 

 

 

 

Закрыць Паведаміць