Грамадства44

«Прасіла прывезці некалькі сукенак і вершы Бродскага». Муж зняволенай Кацярыны Андрэевай згадвае іх спатканні

Журналістка Кацярына Андрэева летась атрымала новы тэрмін — 8 год і 3 месяцы за нібыта «здраду дзяржаве». Яе муж Ігар Ільяш расказаў праекту «Палітвязынка» пра іх спатканні і «мёртвы горад» Мінск.

Фота: асабісты архіў

Ігар расказвае, што ў іх з Кацярынай было 9 спатканняў — адно доўгае і 8 кароткатэрміновых. Апошняе было ў канцы верасня 2022 года.

На доўгае спатканне журналістка папрасіла мужа прывезці некалькі сукенак, касметыку, прыгожую бялізну, вершы Бродскага і часопісы «Наша гісторыя».

«Мы падчас доўгага спаткання хутка асвоіліся. Я прыгатаваў вячэру, сваю фірмовую страву — тарцілью з гароднінай і курыцай. У нейкі момант стварылася такая ідылічная абстаноўка, што падумалася: няхай бы нас нават у гэтым малюсенькім пакойчыку перанеслі куды-небудзь падалей ад людзей, ад гэтай цемры вакол, і больш нам нічога не будзе трэба — толькі б быць удваіх», — згадвае Ігар.

Доўгае спатканне было ў жніўні 2021-га. Ільяш кажа, што Кацярына першыя паўгадзіны не магла прывыкнуць да абдымкаў — гэта між волі выклікала страх. Бо ў турме тактыльны кантакт звычайна звязаны з пагрозай.

«Адчуваецца велізарная маральная стомленасць, выматанасць», — кажа муж пра стан журналісткі. Яна сама лічыць, што вельмі змянілася за гэты час.

Ігар прызнаецца, што часам замыкаецца ў сабе, бо сябры і блізкія цяпер або ў турмах, або ў эміграцыі.

«Жыць сёння ў Мінску — гэта хадзіць па мёртвым горадзе, дзе ў цябе практычна не засталося знаёмых. Калі сустракаеш раптам чалавека з мінулага жыцця, то прыходзіш у шчырае недаўменне», — кажа ён.

Пры гэтым, заўважае Ільяш, на вуліцы да яго рэгулярна падыходзяць незнаёмцы, каб паціснуць руку і выказаць салідарнасць.

Адрас для лістоў:

ПК № 4. 246035, г. Гомель, вул. Антошкіна, 3,

Кацярына Бахвалава.

Каментары4

  • Іван
    13.02.2023
    [Рэд. выдалена]
  • Іван
    13.02.2023
    Спасылка на верш Бродскага “На Независимость Украины» 1991 год.
    Наша Ніва, сорамна за вашую цэнзуру. Праўда звычайная. Яна не добрая і не дрэнная.
  • Іван
    13.02.2023
    Нажаль, Бродскі займаў моцную антыўкраінскую пазіцыю. Яна вельмі яркая і поўная нянавісці. Гэтаму ёсць сведчанні ў яго творах і ў успамінах пра яго.
    Мы, як грамадства, прыйдзем да разумення імперскай існасці расейскай літаратуры і ролі гэтай літаратуры ў замацаванні статусу кво ў Беларусі.
    PS.
    Кацярыне здароўя, цярпення. Чакаем на волі.

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Як у кіно. У цэнтры Гродна 19‑гадовы хлопец з аднаго ўдару паваліў слуп13

Свет на парозе фінансавага абвалу, яшчэ больш агрэсіўны Трамп і небяспека для Тайваня. The Economist даў прагноз на 2027 год13

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць