Раней музей вядомай беларускай паэткі, якая паходзіла з тых мясцін, быў у школе ў вёсцы Парэчча, у якой Яўгенія Янішчыц вучылася ў 9‑10 класах. Аднак цяпер гэтую школу закрылі, а сабраныя музейныя экспанаты сталі па сутнасці нікому не патрэбныя, паведаміла ў сацсетках пісьменніца Аксана Спрынчан.
Пасля закрыцця школы экспанаты склалі ў скрынкі і адвезлі ў Пінскую раённую бібліятэку, дзе яны цяпер і стаяць.
Пры гэтым, як сцвярджаецца, Мерчыцкі этнаграфічны музей, які знаходзіцца ў былой школе, дзе Янішчыц вучылася ў 5—8 класах, адмовіўся ўзяць гэтыя экспанаты да сябе, хоць мае прасторныя памяшканні. Больш таго — у гэтым музеі нібыта няма нават партрэта знакамітай зямлячкі.
Яўгенія Янішчыц (1948—1988) — беларуская паэтка і перакладчыца. Нарадзілася ў вёсцы Рудка на Піншчыне, з ранняга дзяцінства захаплялася паэзіяй, друкавацца пачала яшчэ школьніцай. Скончыла філфак БДУ, працавала ў газетах і часопісах, была вядомай і прызнанай паэткай. Паводле слоў Васіля Быкава, «Жэня была самая таленавітая з усіх самых таленавітых паэтэс Беларусі, самая цнатлівая і дасканалая». У 1988 годзе скончыла жыццё самагубствам, скочыўшы з акна шматпавярховіка ў Мінску.
Цяпер чытаюць
Лукашэнка: Мы гатовыя заключыць вялікую здзелку з ЗША61
Каментары