У Смаленску вынеслі прысуд беларусу, які хаваў асаблівую прыкмету за цёмнымі акулярамі
15 ліпеня 2025 года ў адной з расійскіх калоній-пасяленняў на Смаленшчыне недалічыліся асуджанага грамадзяніна Беларусі 56‑гадовага Віталя Рамазанава. Мужчына адбываў пакаранне за крадзеж і наўмыснае прычыненне лёгкай шкоды здароўю (пырнуў нажом свайго сабутэльніка), пішуць «Моцныя навіны».
Уцекача тут жа абвясцілі ў вышук і распаўсюдзілі па Смаленскай вобласці арыенціроўкі з апісаннем і фатаграфіяй. Сярод асаблівых прыкмет называліся татуіроўкі: на спіне малюнак «Ісус і могілкі», на левым плячы малюнак «Кобра, карты, чэрап», а на павеках надпіс — «Они устали».
Праз 5 дзён Рамазанава затрымалі дзякуючы пільнасці мясцовай жыхаркі, якая працавала аператарам АЗС каля вёскі Ермакі.
«Я вельмі насцярожылася, калі за некалькі метраў ад запраўкі ўбачыла, як дарогу пераходзіць нейкі мужчына, высокі, хударлявы, з заплечнікам і ў сонцаахоўных акулярах. Ён абапіраўся на палку. Да таго часу я ўжо, вядома, бачыла арыенціроўкі пра вышук асуджанага ў горадзе і сацсетках», — расказала жанчына.
Яе ўчынак пазней адзначылі падзякай і каштоўным падарункам. А ўцякач атрымаў чарговую судзімасць.
Як паведамляе прэс-служба Смаленскага раённага суда, Рамазанава прызналі рэцыдывістам і за ўцёкі з калоніі прысудзілі да 2 гадоў пазбаўлення волі з адбываннем пакарання ў калоніі строгага рэжыму. Характэрна, што за крадзеж і «забаву» з нажом мужчыну спачатку прысудзілі да 1 года 7 месяцаў пазбаўлення волі ўмоўна. Пасля ён парушыў правілы нагляду і быў адпраўлены ў калонію-пасяленне. Аднак і там не ўседзеў, хоць у такіх установах асуджаныя ўтрымліваюцца без аховы пад наглядам адміністрацыі, а ў час ад пад'ёму да адбою карыстаюцца правам свабоднага перамяшчэння па тэрыторыі.
Што тычыцца асаблівай прыкметы ўцекача, якую ён хаваў пад акулярамі, то яна адносіцца да так званых турэмных татуіровак. Звычайна, праўда, яе наносяць на ногі, а не на павекі.
Ветэран «СВА» і былы чыноўнік Смаленшчыны зажыва згарэў у аўтадоме ў свой дзень народзінаў
Паміж Віцебскам і Смаленскам зноў пачне хадзіць прамы дызельны цягнік
Археолагі знайшлі ў Смаленску княжацкі хорам XII стагоддзя. Такія ж знаходзілі ў Полацку і Гродне
На Смаленшчыне спалілі 500 эквадорскіх ружаў, якія прывезлі з Беларусі
Цяпер чытаюць
«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада9
Каментары