Лукашэнка хоча, каб беларускіх алімпійцаў дапусцілі пад нейтральным сцягам
Адпаведную заяву ён зрабіў, адказваючы на пытанні журналістаў на свяце «Мінская лыжня — 2023».
«Нейтральны сцяг, нейкія яшчэ дадатковыя ўмовы. На ваш погляд, што наогул з гэтага для нас прымальна?» — задалі яму пытанне.
«Для нас непрымальна не ўсё. Але, зноў жа, уважліва сачыце: маскі скінутыя. МАК, Бах казалі аб тым, што мы можам. Калі можам — прымайце рашэнне, — сказаў Лукашэнка. — Рэч сёння не ў сімвалах, не ў сцягах, не ў гімнах. Гэта важна. Рэч у хлопцах, якія прысвяцілі сваё жыццё спорту. Яны ж калечаць лёсы людзей. І Бах — ён жа вялікі спартовец. Ён што, не разумее, што значыць пазбавіць спартсмена ўдзелу? Прытым ні за што. На роўным месцы. Яны бандыты, яны дзесьці ваявалі? Яны выходзілі на плошчу і крычалі: «Давай вайну, давай забівай»? Яны ж гэтага не рабілі. Пры чым тут яны?»
Больш за 30 краін выступае супраць таго, каб спартоўцы краіны-агрэсаркі Расіі і краіны-суагрэсаркі Беларусі ўдзельнічалі ў Алімпіядзе-2024. Міжнародны алімпійскі камітэт прапануе, каб спартоўцы з Расіі і Беларусі ўдзельнічалі, але пад нейтральным сцягам.
У Беларусі спорт выкарыстоўваецца для прапаганды рэжыму, спартоўцаў, якія адмаўляюцца выступаць у падтрымку Аляксандра Лукашэнкі, рэпрэсуюць. Сам Лукашэнка ў парушэнне алімпійскіх нормаў да 2021 года ўзначальваў Нацыянальны алімпійскі камітэт. На гэтай пасадзе яго змяніў яго старэйшы сын Віктар.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў29
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары