Мінздароўя можа забараніць стаматалогіям выкарыстоўваць рэнтген. Праўда, не ўсім
Міністэрства аховы здароўя неўзабаве можа прыняць пастанову, якая забароніць стаматалагічным клінікам выкарыстоўваць рэнтген-апараты, калі гэтыя клінікі не будуць адпавядаць пэўным умовам.
У праекце пастановы прапануецца тым стаматалогіям, якія размяшчаюцца ў жылых дамах, забараніць выкарыстанне дэнтальных рэнтгенаўскіх апаратаў, у тым ліку ортапантамографаў і апаратаў панарамнай рэнтгенаграфіі.
У дакуменце прапануецца прапісаць, што такія прылады могуць размяшчаць толькі:
- у рэнтгенаўскім аддзяленні (кабінеце) арганізацыі аховы здароўя, размешчаным у асобным будынку;
- у грамадскім будынку;
- у прыбудове да жылога дома;
- ва ўбудаваным ці прыбудаваным памяшканні жылога будынка, калі сумежныя па вертыкалі і гарызанталі памяшканні не з'яўляюцца жылымі.
Падчас абмеркавання праекта многія прапанавалі вызваліць ад выканання новых патрабаванняў стаматалогіі, якія ўжо працуюць, бо яны прайшлі ўсе неабходныя праектныя і дазвольныя інстанцыі, закупілі абсталяванне і ўзгаднілі яго.
Таксама прапаноўвалася ўвесці гэтую забарону толькі для апаратаў, якія працуюць на рэнтгенаўскай плёнцы. Тлумачыцца гэта тым, што сучасныя прылады выпраменьваюць нагрузку, якая не перавышае ўзроўню фону.
Чытайце таксама:
Канец мамаграфіі? Выпрабоўваюць тэст на рак грудзей па поце
«На пацыента са столі зваліўся прусак». Беларуска адпрацавала размеркаванне стаматолагам і шчыра расказвае, як гэта
ЛСД, псілацыбін і экстазі ў аптэках: як навукоўцы даследуюць псіхадэлікі, каб стварыць новыя лекі
-
Літва палічыла фігуранта расследавання «Нашай Нівы» Скіндзерава пагрозай нацыянальнай бяспецы і збіраецца пазбавіць статусу ўцекача
-
У прыгранічных Лельчыцах вучыліся разгортваць рухомыя пункты харчавання і рэчавага забеспячэння
-
У Віцебску на пешаходным пераходзе паставілі незвычайныя слупкі. Як яны працуюць?
Зяленскі назваў, якія рэтранслятары на мяжы і беларускія прадпрыемствы хвалююць Украіну36
Каментары