Minzdaroŭja moža zabaranić stamatałohijam vykarystoŭvać renthien. Praŭda, nie ŭsim
Ministerstva achovy zdaroŭja nieŭzabavie moža pryniać pastanovu, jakaja zabaronić stamatałahičnym klinikam vykarystoŭvać renthien-aparaty, kali hetyja kliniki nie buduć adpaviadać peŭnym umovam.
U prajekcie pastanovy prapanujecca tym stamatałohijam, jakija raźmiaščajucca ŭ žyłych damach, zabaranić vykarystańnie dentalnych renthienaŭskich aparataŭ, u tym liku ortapantamohrafaŭ i aparataŭ panaramnaj renthienahrafii.
U dakumiencie prapanujecca prapisać, što takija pryłady mohuć raźmiaščać tolki:
- u renthienaŭskim adździaleńni (kabiniecie) arhanizacyi achovy zdaroŭja, raźmieščanym u asobnym budynku;
- u hramadskim budynku;
- u prybudovie da žyłoha doma;
- va ŭbudavanym ci prybudavanym pamiaškańni žyłoha budynka, kali sumiežnyja pa viertykali i haryzantali pamiaškańni nie źjaŭlajucca žyłymi.
Padčas abmierkavańnia prajekta mnohija prapanavali vyzvalić ad vykanańnia novych patrabavańniaŭ stamatałohii, jakija ŭžo pracujuć, bo jany prajšli ŭsie nieabchodnyja prajektnyja i dazvolnyja instancyi, zakupili abstalavańnie i ŭzhadnili jaho.
Taksama prapanoŭvałasia ŭvieści hetuju zabaronu tolki dla aparataŭ, jakija pracujuć na renthienaŭskaj ploncy. Tłumačycca heta tym, što sučasnyja pryłady vypramieńvajuć nahruzku, jakaja nie pieravyšaje ŭzroŭniu fonu.
Čytajcie taksama:
Kaniec mamahrafii? Vypraboŭvajuć test na rak hrudziej pa pocie
«Na pacyjenta sa stoli zvaliŭsia prusak». Biełaruska adpracavała raźmierkavańnie stamatołaham i ščyra raskazvaje, jak heta
ŁSD, psiłacybin i ekstazi ŭ aptekach: jak navukoŭcy daśledujuć psichadeliki, kab stvaryć novyja leki
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary