У беларускія крамы вярнуліся жэлацінкі Haribo, але не тыя, што былі раней
Выданне Onliner заўважыла, што ў рознічным гандлі ў Беларусі зноў з'явіўся жавальны мармелад вядомага нямецкага брэнда Haribo. Аднак цяпер гэтыя жэлацінкі зробленыя не ў Еўропе, а прывезеныя з завода ў Турцыі.
Як сведчаць надпісы на ўпакоўцы, вытворчасць мармеладу знаходзіцца ў Стамбуле. Знайсці яго можна, напрыклад, на паліцах крам сеткі «Еўраопт», гэтая сетка яго і імпартуе. Прадаецца мармелад па цане каля 3 рублёў за 80 грамаў.
Нядаўна ў продаж вярнуліся таксама шакаладкі Ritter Sport, цукеркі Merci і Toffifee. І гэтыя прысмакі — арыгінальнай нямецкай вытворчасці, але па завоблачных цэнах.
З 1 студзеня 2022 года частка еўрапейскіх тавараў апынулася ў Беларусі пад забаронай (але з магчымасцю выдзялення квот для ўвозу), у тым ліку шакалад, розныя цукеркі і жэлацінкі. У крамах распрадавалі рэшткі тавараў, цяпер жа, мяркуючы з тэрмінаў прыдатнасці, прыехалі новыя партыі. Паводле аднаго з расследаванняў Беларускага расследавальніцкага цэнтра, на прывозе і рэалізацыі гэтых тавараў зарабляюць бізнэсмены, блізкія да Лукашэнкі, у прыватнасці Сяргей Цяцерын.
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары