U biełaruskija kramy viarnulisia žełacinki Haribo, ale nie tyja, što byli raniej
Vydańnie Onliner zaŭvažyła, što ŭ roźničnym handli ŭ Biełarusi znoŭ źjaviŭsia žavalny marmieład viadomaha niamieckaha brenda Haribo. Adnak ciapier hetyja žełacinki zroblenyja nie ŭ Jeŭropie, a pryviezienyja z zavoda ŭ Turcyi.
Jak śviedčać nadpisy na ŭpakoŭcy, vytvorčaść marmieładu znachodzicca ŭ Stambule. Znajści jaho možna, naprykład, na palicach kram sietki «Jeŭraopt», hetaja sietka jaho i impartuje. Pradajecca marmieład pa canie kala 3 rubloŭ za 80 hramaŭ.
Niadaŭna ŭ prodaž viarnulisia taksama šakaładki Ritter Sport, cukierki Merci i Toffifee. I hetyja prysmaki — aryhinalnaj niamieckaj vytvorčaści, ale pa zavobłačnych cenach.
Z 1 studzienia 2022 hoda častka jeŭrapiejskich tavaraŭ apynułasia ŭ Biełarusi pad zabaronaj (ale z mahčymaściu vydzialeńnia kvot dla ŭvozu), u tym liku šakaład, roznyja cukierki i žełacinki. U kramach raspradavali reštki tavaraŭ, ciapier ža, miarkujučy z terminaŭ prydatnaści, pryjechali novyja partyi. Pavodle adnaho z rasśledavańniaŭ Biełaruskaha rasśledavalnickaha centra, na pryvozie i realizacyi hetych tavaraŭ zarablajuć biznesmieny, blizkija da Łukašenki, u pryvatnaści Siarhiej Ciacieryn.
Ciapier čytajuć
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ16
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary