Літва падасць на Беларусь у Міжнародны суд за правакаванне мігранцкага крызісу
Урад Літвы ўхваліў ініцыятыву мясцовага Міністэрства юстыцыі аб прыцягненні беларускіх улад да адказнасці за незаконны ўвоз мігрантаў. Пра гэта 5 красавіка паведаміла Міністэрства юстыцыі Літвы.
Беларусі будзе выстаўлены пазоў за невыкананне палажэнняў Пратакола аб незаконным увозе мігрантаў па сушы, моры і паветры, які дапаўняе Канвенцыю ААН супраць транснацыянальнай арганізаванай злачыннасці. Міністэрства юстыцыі Літвы пачне перамовы аб перадачы спрэчкі ў арбітраж ці Міжнародны суд.
«Дыктатары не маюць імунітэту ад міжнароднага права. Пасля Пуціна настала чарга рэжыму Лукашэнкі ўзяць на сябе адказнасць», — заявіла міністарка юстыцыі Літвы Эвеліна Дабравольская.
Па словах міністаркі ўнутраных спраў Агнэ Білатайце, Літва робіць вельмі важны і неабходны крок, ініцыюючы ў Міжнародным судзе справу супраць беларускага рэжыму ў сувязі з міграцыйным крызісам. На яе думку, так Літва не толькі абароніць свае інтарэсы, але і прыцягне ўвагу міжнароднай супольнасці да парушэнняў правоў чалавека, учыненых уладамі Беларусі.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары