Кобрынец скраў чужы аўтамабіль, з'ездзіў дахаты, а потым вярнуў машыну на месца
Забаўная сітуацыя адбылася ў Драгічыне. У міліцыю звярнуўся 20-гадовы хлопец, які распавёў, што нехта хацеў завалодаць яго аўтамабілем «Аўдзі 100», паведамляе абласная міліцыя.
Малады чалавек растлумачыў міліцыі, што пакінуў транспартны сродак на стаянцы паблізу чыгуначнага вакзала, пасля чаго паехаў на цягніку ў Пінск, а калі вярнуўся, аўтамабіля на месцы не было.
Падчас аператыўна-пошуковых мерапрыемстваў праваахоўнікі высветлілі, што да здарэння датычны 23-гадовы раней не судзімы жыхар Кобрынскага раёна.
Ён планаваў вярнуцца з Драгічына дадому і, убачыўшы на стаянцы аўтамабіль, вырашыў паехаць на ім. Пры дапамозе падручных сродкаў мужчына адчыніў аўтамабіль, а праз некалькі хвілін знайшоў у бардачку ключ, дзякуючы чаму ўдалося завесці аўтамабіль. Затым заехаў на АЗС для запраўкі транспартнага сродку, пасля чаго адправіўся дахаты. На наступны дзень падарожнік вярнуў «Аўдзі» на месца ў Драгічыне.
Міліцыі мужчына растлумачыў, што хацеў прыехаць дадому на аўтамабілі.
Тым не менш заведзена крымінальная справа.
У Баранавічах двое маладзёнаў скралі 21 бляшанку кансерваў — і атрымалі крымінальную справу
Цяпер чытаюць
Даішнік, якога збіў машынай пенсіянер пад Мінскам, памёр у бальніцы. Яму зладзілі пышнае пахаванне18
Каментары