У Аўстрыі беларус на фуры ўрэзаўся ў легкавік, за рулём якога быў 87-гадовы мясцовы жыхар
У аўстрыйскай федэральнай зямлі Карынція адбылося ДТЗ з удзелам грузавіка, якім кіраваў 50-гадовы беларус, і легкавога аўтамабіля, за рулём якога сядзеў 87-гадовы жыхар акругі Фельдкірхен. Пра гэта паведамляе сайт «Беларусь і свет» са спасылкай на мясцовую паліцыю.
Аварыя здарылася 24 красавіка каля 15:00 на трасе А10 ля горада Філах, недалёка ад уезду ў тунэль Освальдыберг. Наш суайчыннік рухаўся ад развязкі Філах да Зальцбурга, і ў раёне з'езда Асіяхер-Зее, калі аўстрыец пайшоў налева на першую паласу магістралі, паміж іх транспартнымі сродкамі адбылося сутыкненне.
Легкавы аўтамабіль урэзаўся ў цэнтральную бетонную агароджу і перакуліўся на дах. Прычым, паводле інфармацыі ратавальнікаў, пацярпелы апынуўся заціснуты, і з машыны ў салон і вонкі выцякала паліва. Мужчыну дасталі з дапамогай гідраўлічнага абсталявання. Пасля аказання першай дапамогі яго даставілі на верталёце ў клініку горада Клагенфурт.
Кіроўца фуры ў здарэнні не пацярпеў. Тэст на алкаголь, праведзены на месцы, даў адмоўны вынік. У сувязі з уцечкай рабочай вадкасці на месцы былі праведзеныя ачышчальныя работы. Легкавы аўтамабіль вывезлі на эвакуатары прыватнай кампаніі.
Былы міністр культуры Руслан Чарнецкі знайшоў сабе падпрацоўку9
Каментары