U Aŭstryi biełarus na fury ŭrezaŭsia ŭ lehkavik, za rulom jakoha byŭ 87-hadovy miascovy žychar
U aŭstryjskaj fiederalnaj ziamli Karyncija adbyłosia DTZ z udziełam hruzavika, jakim kiravaŭ 50-hadovy biełarus, i lehkavoha aŭtamabila, za rulom jakoha siadzieŭ 87-hadovy žychar akruhi Fieldkirchien. Pra heta paviedamlaje sajt «Biełaruś i śviet» sa spasyłkaj na miascovuju palicyju.
Avaryja zdaryłasia 24 krasavika kala 15:00 na trasie A10 la horada Fiłach, niedaloka ad ujezdu ŭ tunel Osvaldybierh. Naš suajčyńnik ruchaŭsia ad raźviazki Fiłach da Zalcburha, i ŭ rajonie źjezda Asijachier-Zieje, kali aŭstryjec pajšoŭ naleva na pieršuju pałasu mahistrali, pamiž ich transpartnymi srodkami adbyłosia sutyknieńnie.
Lehkavy aŭtamabil urezaŭsia ŭ centralnuju bietonnuju aharodžu i pierakuliŭsia na dach. Pryčym, pavodle infarmacyi ratavalnikaŭ, paciarpieły apynuŭsia zacisnuty, i z mašyny ŭ sałon i vonki vyciakała paliva. Mužčynu dastali z dapamohaj hidraŭličnaha abstalavańnia. Paśla akazańnia pieršaj dapamohi jaho dastavili na viertalocie ŭ kliniku horada Kłahienfurt.
Kiroŭca fury ŭ zdareńni nie paciarpieŭ. Test na ałkahol, praviedzieny na miescy, daŭ admoŭny vynik. U suviazi z uciečkaj rabočaj vadkaści na miescy byli praviedzienyja ačyščalnyja raboty. Lehkavy aŭtamabil vyvieźli na evakuatary pryvatnaj kampanii.
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy10
Kamientary