Недалёка ад Варшавы днямі адбылася аварыя: беларус і ўкраінка, вяртаючыся са спаткання, урэзаліся ў дрэва і абое загінулі. Пра падрабязнасці трагічнай аварыі напісала выданне Most.
3 красавіка 2023 года беларус і ўкраінка вярталіся са спаткання. Пад горадам Валомін Мазавецкага ваяводства іх аўтамабіль урэзаўся ў дрэва.
26-гадовая ўкраінка хутка памерла ў бальніцы, куды яе шпіталізавалі медыкі, якія прыехалі на месца здарэння. А 34-гадовага беларуса забраў верталёт хуткай медыцынскай дапамогі і ён яшчэ нейкі час змагаўся за жыццё, знаходзячыся ў крытычным стане. Аднак траўмы аказаліся несумяшчальнымі з жыццём і ўрэшце мужчына памёр.
Гэтую інфармацыю 26 красавіка пацвердзілі выданню se.pl у прэс-службе акруговай пракуратуры ў Варшаве.
Паводле неафіцыйнай інфармацыі, мужчына, які знаходзіўся за рулём аўтамабіля, значна перавысіў хуткасць. Паліцыянты паведамлялі, што машына ехала па трасе з хуткасцю ажно 220 км/г.
Цяпер чытаюць
Начальнік міліцыі Брагіна страляў у сваю жонку. Яна цудам выжыла9
Каментары