«Арыс» з Лімасола стаў чэмпіёнам Кіпра па футболе. Яго галоўным трэнерам з'яўляецца беларус Аляксей Шпілеўскі, а прэзідэнтам — беларускі бізнэсовец Уладзімір Фёдараў.
Сёння асноўны канкурэнт «Арыса», клуб «АПАЭЛ» прайграў у гасцях «Апалону» з лікам 2:3, і ўжо не дагоніць «Арыс». У чэмпіянаце Кіпра засталося згуляць адзін тур.
«Арыс» — 74, АПАЭЛ — 68, АЕК — 63, Апалон — 62.
«Арыс» упершыню ў сваёй гісторыі стаў чэмпіёнам Кіпра. Клуб купіў у 2021 годзе беларускі бізнэсовец Уладзімір Фёдараў, які запрасіў у лютым 2022 года Аляксея Шпілеўскага. У першы сезон «Арыс» пад кіраўніцтвам Шпілеўскага заняў 4-е месца, а сёння заваяваў залатыя медалі.
За клуб гуляюць двое беларусаў: Яўген Яблонскі і Арцём Шуманскі.
Аляксей Шпілеўскі ў свой час трэніраваў брэсцкае «Дынама», казахстанскі «Кайрат», які прывёў да чэмпіёнства ў 2020 годзе, некалькі месяцаў трэніраваў клуб нямецкага другога дывізіёна «Эрцгэбірге».
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта2
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары