Меркаванні1111

Каліновец «Кусь»: Любы дзеяч беларускай рэвалюцыі перастане для мяне існаваць, калі возьме ўдзел у гандлі палітвязнямі ў абмен на зняцце санкцый

На думку добраахвотніка Аляксандра Клачко (ён ваюе пад пазыўным «Кусь») торг з рэжымам — гэта адыходжанне ад асноўнай мэты беларусаў — вызвалення краіны. Ён расказаў «Нашай Ніве», чаму ідэя такога дыялогу выклікае ў яго абурэнне.

Александр клочко полк Калиновского

У адной з дыскусій у фэйсбуку Аляксандр катэгарычна напісаў: «Для мяне асабіста любы дзеяч перастане існаваць як дзеяч беларускай рэвалюцыі, калі ён возьме ўдзел у гандлі палітвязнямі ў абмен на зняцце санкцый».

У размове з «Нашай Нівай» ваяр палка Каліноўскага тлумачыць, што не разумее мэт тых, хто збіраецца таргавацца з рэжымам Лукашэнкі ў абмен на зняцце санкцый. 

«Бачу толькі адно пытанне, па якім могуць быць перамовы з Лукашэнкам, — яго капітуляцыя, — кажа Аляксандр «Кусь». —Умоўна пра тое, каб яму далі нейкі «Боінг», каб ён мог кудысьці збегчы».

На ягоны пункт гледжання, людзі, якія выступаюць за гандаль па пытанні палітвязняў, пераследуюць інтарэсы, якія пераклікаюцца з інтарэсамі рэжыму. 

«Альбо яны выпадковыя беларусы ў пратэсце — не разумеюць, чаму людзі селі ў турму, за што яны змагаліся.

Мая мэта — вызваленне Беларусі. Гэта аўтаматам зробіць палітвязняў вольнымі. 

Чаму гэтыя людзі хочуць зняць санкцыі? Гэта галоўнае пытанне. 

Ад кагосьці я чуў, што палітвязняў варта вызваляць любымі спосабамі. Я думаю інакш. Тут мне падабаецца пазіцыя Андрэя Шарэнды, мужа палітзняволенай Паліны Шарэнды-Панасюк. Ён катэгарычна супраць гандлю палітзняволенымі.

Мне здаецца, што калі беларус свядома змагаўся з рэжымам Лукашэнкі, як Мікалай Статкевіч, Павел Севярынец, то ён рабіў гэта не дзеля таго, каб пасля дамаўляліся аб яго вызваленні з турмы шляхам легітымізацыі Лукашэнкі, зняцця санкцый. А дзеля таго, каб рэжым Лукашэнкі абрынуўся. Гэта была іх канчатковая мэта. 

Вызваляць іх. І што? Яны скажуць «дзякуй», што з рэжыму знялі санкцыі? Мне здаецца, што чалавек, які свядома змагаўся, стане да апошніх сіл трымацца, каб дадушыць. Лічу, што гэтыя людзі ў турме нават больш свабодныя, чым многія беларусы па-за межамі яе», — разважае ён.

Аляксандр часам чуе рыторыку, што санкцыі не працуюць, наносяць шкоду звычайным беларусам у краіне.

«Ні ад аднаго чалавека, каго я ведаю ў Беларусі, хто супраць рэжыму, я не чуў «здыміце санкцыі, нам дрэнна». Такія словы чуў ад бізнэсоўцаў, якія набліжаныя і залежаць ад Лукашэнкі. Бачу ў гэтым, што пад соусам вызвалення палітзняволеных нейкая праслойка людзей спрабуе лабіраваць іншыя інтарэсы, іх стан пасля зняцця санкцый толькі палепшыцца.

І яшчэ адзін момант — калі мы не гатовыя пакутаваць нават ад санкцый, то што будзе, калі ў Беларусь зойдуць беларусы са зброяй у руках, што скажаце пра гэтыя падзеі? Што гэта небяспечна, нехта можа загінуць? Будзеце прасіць скласці зброю, да гэтага будзеце заўтра заклікаць? Як плануеце змагацца?» — задаецца пытаннямі ён. 

Санкцыі, па меркаванні ваяра, павінны быць у комплексе з іншымі дзеяннямі. А гэта — узброены супраціў. 

«Беларусы змагаюцца з рэжымам, седзячы ў турме, людзі загінулі — Раман Бандарэнка, Андрэй Зельцэр, Вітольд Ашурак і іншыя. Казаць цяпер, што давайце перагорнем старонку, каб вызваліць палітзняволеных, нельга, — лічыць ён. — Як тады мы зробім з тымі, хто цяпер на вайне ва Украіне, загінуў дзеля гэтых ідэй, вызвалення Беларусі ад рэжыму Лукашэнкі, страціў здароўе, атрымаў інваліднасць і рызыкуе кожны дзень сваім жыццём, дабрабытам, асабістым шчасцем?

Лепш кароткая вайна, чым шматгадовае існаванне ў канцлагеры. Мне на вайне прасцей, чым калі б мне рэжым Лукашэнкі даў індульгенцыю і я змог бы вярнуцца ў Беларусь. Я б там не змог дыхаць паветрам, бо як можна хадзіць пад гэтымі лукашысцкімі сцягамі, трыкалорамі.

Калі б не было палітзняволеных, то, магчыма, і Беларусь з парадку дня ўжо сышла б. Сказалі б, што зрабілі свой выбар, там ужо палітзняволеных няма, усё добра. Гэта ўсё барацьба, кожны з нас ахвяруе ў той ці іншай ступені.

Без ахвяр не бывае барацьбы, а без барацьбы не бывае перамогі». 

«Наша Нiва» — бастыён беларушчыны

ПАДТРЫМАЦЬ

Чытайце таксама: 

Абвінавачаных па справе Гайдукевіча асудзілі да велізарных тэрмінаў. Пракоп'еву далі завочна 25 гадоў

Пастар пратэстанцкай царквы «Новае жыццё»: Ніхто не застанецца непакараным за знос храма

У Мінску затрымалі замежніка, які сарваў тры дзяржаўныя сцягі

У Мінскай вобласці ладзяць мабілізацыйныя вучэнні са зборамі

Каментары11

  • Common sense
    21.06.2023
    Правильно.Уже проходили это в 2010 году. Это не работает,а только стимулирует режим брать новых заложников .
  • за беларусь
    21.06.2023
    Кусь
  • Рэаліст
    21.06.2023
    Пры ўсёй павазе але яны там, беларусы тут ў жудасных умовах калі не да змагання, а да выжывання, а верагоднасць што яны прыйдуць не большая за 5 ну мо 10% і ў лепшым выпадку яны вызваляць Берасце і Гародню.

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць