Тэсты і экзамены збіраюцца ўскладняць, а сістэму падліку балаў мяняць
Дырэктар Рэспубліканскага інстытута кантролю ведаў Юрый Міксюк падчас прэс-канферэнцыі ў мультымедыйным прэс-цэнтры Sputnik Беларусь расказаў, якія змены ў найбліжэйшы час варта чакаць у сістэме арганізацыі цэнтралізаванага экзамену і цэнтралізаванага тэсціравання.
Юрый Міксюк паведаміў: «Мы павінны ўважліва паглядзець на досвед, які мы атрымалі ў гэтым годзе, калі цалкам адмовіліся ад задач пятага ўзроўню складанасці.
Разумеем, што гэта не заўсёды адыграла спрыяльную ролю для добрага ранжыравання або ацэнкі самых падрыхтаваных абітурыентаў. Таму, можа быць, варта задумацца пра нейкі ўсё ж такі частковы разгляд такой магчымасці, каб такія заданні былі».
Таксама вернуцца да пытання ўдасканалення сістэмы падліку балаў.
«Гэтае пытанне анансавана, яно будзе разглядацца. Можна зразумець абітурыентаў і іх бацькоў, якія хацелі б мець празрыстую сістэму, якой лёгка карыстацца», — адзначыў кіраўнік РІКВ.
Сёлета выпускнікі школ упершыню здавалі цэнтралізаваны экзамен. Па яго выніках узнік скандал, бо сістэма падліку балаў аказалася складанай і незразумелай, многія абітурыенты і бацькі абурыліся. Урэшце скончылася тым, што РІКВ па даручэнні Міністэрства адукацыі пералічыў балы па іншай методыцы.
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра12
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары