Свет77

Наўседа: Для беларускіх угнаенняў не будзе выключэнняў

«Гэта няправільна, бо адной рукой мы робім больш строгімі санкцыі, а другой адкрываем шлюзы, каб Лукашэнка мог працягваць зарабляць цвёрдую валюту на экспарце ўгнаенняў. Гэта абсалютны нонсэнс», — сказаў прэзідэнт Літвы.

Гітанас Наўседа на адкрыцці офіса «Радыё Свабода» ў Вільні. Фота: «Наша Ніва»

Прэзідэнт Гітанас Наўседа запэўніў, што Літва не паддасца ціску і не ўхваліць санкцыйных выключэнняў Еўрапейскага саюза для транзіту беларускіх угнаенняў, піша Delfi.lt.

«Збіраюцца аказаць ціск і на нас, каб мы змякчылі праблемы, якія ўзніклі на фоне харчовага крызісу, дазволіўшы экспарт угнаенняў з Беларусі. Я ўсім сваім калегам сказаў, што мы не дамовімся, і сапраўды пазіцыя Літвы засталася ранейшай, яна не змянілася і не зменіцца. Мы лічым цалкам няправільным змякчаць санкцыі супраць дыктатараў замест таго, каб рабіць іх больш строгімі, асабліва цяпер», — заявіў у пятніцу журналістам у Клайпедзе кіраўнік літоўскай дзяржавы.

«Гэта няправільна, бо адной рукой мы робім больш строгімі санкцыі, а другой адкрываем шлюзы, каб Лукашэнка мог працягваць зарабляць цвёрдую валюту на экспарце ўгнаенняў. Гэта абсалютны нонсэнс, таму мы не можам гэта ўхваліць», — запэўніў ён, падкрэсліўшы, што такую ж пазіцыю займаюць усе літоўскія ўстановы і палітыкі.

Прэзідэнт Літвы падкрэсліў, што глабальны харчовы крызіс выкліканы не санкцыямі ЕС у дачыненні да беларускіх угнаенняў, а рашэннем Масквы выйсці з пагаднення аб экспарце ўкраінскага збожжа.

«Так як Расія чарговы раз цынічна маніпулюе, сама выклікаючы харчовы крызіс, (…) ад якога цяпер пакутуе не толькі Украіна, але і далёкія ад Украіны бедныя рэгіёны, яна таксама выкарыстоўвае гэты рычаг як своеасаблівы інструмент для шантажу. Гэта цалкам непрымальна», — асудзіў пастановы Крамля Наўседа.

«Мы працягнем пераконваць нашых калег у тым, што такія паводзіны павінны карацца і ў першую чаргу карацца міжнароднымі ўстановамі», — падкрэсліў лідар Літвы.

З аналагічнай заявай у чацвер выступіла і віцэ-міністр замежных спраў Ёвіта Нелюпшэне. Яна падкрэсліла, што не павінна быць ніякіх саступак Маскве, якая патрабуе змякчэння заходніх санкцый у абмен на вяртанне да пагаднення аб экспарце ўкраінскага збожжа.

Паводле яе слоў, патрабаванні Расіі аб зняцці санкцый з харчовых тавараў і ўгнаенняў — гэта прапаганда, бо ЕС не прымяняе санкцый да харчовых тавараў.

Каментары7

  • Кацап
    22.07.2023
    Непоседа, когда советские танки давили литовцев, у тебя ещё другие туфли стояли в кабинете, или ты уже тогда успел переобутся
  • Гродны
    22.07.2023
    Затое будзе для цыгарэтаў, дроваў…
    Колькі твае летувісы будуць карміць дыктатуру сваімі закупамі па дармавых візах?
  • але.я (это масло такое)
    22.07.2023
    [Рэд. выдалена]

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

48‑гадовага аўтамаляра з Гарадка асудзілі да калоніі. Меркавана, за каментарыі ў падтрымку Украіны1

Стваральнік Claude прыцягнуў рэкордныя 81,3 мільярда даляраў пры выхадзе на біржу

Уладзімір Мацкевіч: Пенсіі ў Літве ў мяне няма10

Кавалер збег са спаткання, не заплаціўшы за вячэру. Ці павінна дзяўчына аплачваць увесь рахунак?12

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку32

Трамп і Пуцін абмяркоўвалі вайну ва Украіне1

Інфапункты для беларусаў за мяжой створаць у Вільні, Варшаве і Познані. Колькі ў іх будзе супрацоўнікаў і хто стане плаціць заробкі?6

Украіна трэці раз з пачатку тыдня атакавала Крымскі мост1

Карціна Ван Гога прададзена з аўкцыёну за рэкордныя 190,4 мільёна даляраў2

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць