Брамнік і абаронца БАТЭ ледзь не пабіліся проста на полі пасля прапушчанага мяча ВІДЭА
У сераду, 26 ліпеня, барысаўскі БАТЭ разгромна саступіў кіпрскаму «Арысу» ў першай гульні другога раўнда кваліфікацыі Лігі чэмпіёнаў з лікам 2:6. Пасля пятага прапушчанага мяча брамнік Андрэй Кудравец не змог схаваць свайго расчаравання гульнёй абаронцы Сідзі Банэ.
Да сутычкі сенегальскі футбаліст паспеў забіць у свае вароты і пры пятым узяцці варот БАТЭ, як падалося маладому галкіперу, дзейнічаў неналежным чынам. Замест актыўнай абароны Банэ пачаў сігналізаваць пра меркаваны афсайд.
Галкіпер некалькі разоў штурхануў партнёра па камандзе.
Галоўны трэнер БАТЭ Кірыл Альшэўскі пасля матча сказаў, што ў распранальні ўсё было нармальна, а сутычка гульцоў — проста эмоцыі.
«Гэта эмоцыі. Паміж імі проста не было разумення. У распранальні ўсё было нармальна», — сказаў Альшэўскі.
Каментары