Адкрыты міжнароднай групай навукоўцаў від лішайнікаў названы Саркагіна беларуская (Sarcogyne belarusensis). Пра гэта паведамляе прэс-служба Гомельскага дзяржаўнага ўніверсітэта імя Францыска Скарыны.
Адзін з даследчыкаў, прафесар кафедры батанікі і фізіялогіі раслін Гомельскага дзяржаўнага ўніверсітэта Андрэй Цурыкаў распавёў, што расліны вывучалі пры дапамозе сучасных малекулярна-генетычных метадаў. Гэта дазволіла выявіць унікальныя прыкметы, якія адносяцца да раней невядомага навуцы віду.
Лішайнік, які даследавалі навукоўцы, даволі распаўсюджаны ў Беларусі. Восем яго ўзораў сабралі на тэрыторыі Гродзенскай (Ваўкавыскі, Мастоўскі, Шчучынскі раёны) і Віцебскай (Верхнядзвінскі, Віцебскі, Докшыцкі, Лепельскі, Полацкі) абласцей. Акрамя нашай краіны, яго пакуль знаходзілі толькі ў Італіі і Германіі.
Парадаксальна, але ён пасяляецца на камянях — а ў Беларусі практычна няма выхадаў на паверхню горных парод. Таму знаходзяць яго нярэдка на цэменце, бетоне — то-бок штучнай паверхні, створанай чалавекам.
Лішайнікі першымі засяляюць участкі, ад пачатку не прыстасаваныя для жыцця. А пасля паступова яны спрыяюць і засяленню іх іншымі арганізмамі.
Саркагіна беларуская расце, паглынаючы ваду з паветра, дажджоў і туманаў.
Цяпер чытаюць
«На выбарах прэзідэнта я б галасаваў за Латушку». Гутарка з патэнцыйным спікерам КР Арцёмам Бруханам — пра смерць маці, татуіроўкі і Мельнікаву3
«На выбарах прэзідэнта я б галасаваў за Латушку». Гутарка з патэнцыйным спікерам КР Арцёмам Бруханам — пра смерць маці, татуіроўкі і Мельнікаву
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары