Беларускія аўтобусы вярнулі на гарадскія маршруты Санкт-Пецярбурга
У Санкт-Пецярбургу аднавілі эксплуатацыю аўтобусаў Мінскага аўтамабільнага завода, паведаміў мясцовы «Пасажыраўтатранс». Іх былі знялі з маршрутаў і правяралі праз рызыку ўзгарання.
Паведамляецца, што спецыялісты МАЗа дапрацавалі дзейную сістэму і механізмы аўтобусаў, каб выключыць магчымыя ўзгаранні.
«Па кожнай машыне вытворцам складзены акт, які гарантуе яе бяспеку і дае магчымасць допуску да эксплуатацыі. Аўтобусы, на якіх пацверджана адсутнасць заўваг, выходзяць на лінію», — гаворыцца ў паведамленні «Пасажыраўтатранса».
Дадаткова прадстаўнікі МАЗа, маўляў, кожны дзень кантралююць тэхнічны стан аўтобусаў на маршрутах.
Пецярбургскі «Пасажыраўтатранс» у пачатку жніўня прыпыніў эксплуатацыю 137 беларускіх аўтобусаў, бо многія з іх рэгулярна загараліся і стваралі гэтым самым небяспеку. Сітуацыю каментаваў нават сам Лукашэнка, фактычна адмаўляючы наяўнасць сур'ёзнай праблемы і ківаючы на падкопы «канкурэнтаў».
З пачатку года продаж аўтобусаў МАЗ у Расіі расце. Толькі ў маі беларускае прадпрыемства прадало 159 аўтобусаў, што на 26% больш, чым у маі 2022-га.
Цяпер чытаюць
Павел Вінаградаў упершыню расказвае, як яго закінулі на самае дно беларускай турмы. Як гэта — калі суседзі за цыгарэту ядуць чужое гаўно19
Каментары