За ўдзел у акцыях пратэсту ў Мінску асудзілі мужа і жонку Тарасевічаў, суд чакае іх дачку
У судзе Ленінскага раёна Мінска 1 жніўня вынесены прысуд сямейнай пары Сяргею і Юліі Тарасевічам. Іх абвінавацілі ва ўдзеле ў масавых акцыях пратэсту ў Мінску ў 2020 годзе (ч. 1 арт. 342 Крымінальнага кодэкса), піша «Вясна».
Справу разглядала суддзя Юлія Шут.
Па матэрыялах абвінавачання, Сяргей і Юлія Тарасевіч неаднаразова ў жніўні і верасні 2020 года прымалі актыўны ўдзел у групавых дзеяннях, якія груба парушаюць грамадскі парадак, стаялі і рухаліся па праезнай частцы вуліц і дарог, блакавалі і заступалі шлях транспартным сродкам, (…) пры гэтым фатаграфаваліся з бел-чырвона-белым сцягам, які ўзялі ў кагосьці з прысутных удзельнікаў маршу.
Іх апазналі на фотаздымках і да суда змясцілі ў СІЗА №1.
Суд даў ім па тры гады хатняй хіміі.
Цяпер у СІЗА Мінска знаходзіцца іх дачка, палітзняволеная Дар’я Тарасевіч, якую затрымалі 9 ліпеня за ўдзел у акцыях пратэсту.
Затрыманы ў Польшчы беларускі таксіст-шпіён быў сябрам «Паспалітага рушэння»14
Затрыманы ў Польшчы беларускі таксіст-шпіён быў сябрам «Паспалітага рушэння»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары