Za ŭdzieł u akcyjach pratestu ŭ Minsku asudzili muža i žonku Tarasievičaŭ, sud čakaje ich dačku
U sudzie Leninskaha rajona Minska 1 žniŭnia vyniesieny prysud siamiejnaj pary Siarhieju i Julii Tarasievičam. Ich abvinavacili va ŭdziele ŭ masavych akcyjach pratestu ŭ Minsku ŭ 2020 hodzie (č. 1 art. 342 Kryminalnaha kodeksa), piša «Viasna».
Spravu razhladała sudździa Julija Šut.
Pa materyjałach abvinavačańnia, Siarhiej i Julija Tarasievič nieadnarazova ŭ žniŭni i vieraśni 2020 hoda prymali aktyŭny ŭdzieł u hrupavych dziejańniach, jakija hruba parušajuć hramadski paradak, stajali i ruchalisia pa prajeznaj častcy vulic i daroh, błakavali i zastupali šlach transpartnym srodkam, (…) pry hetym fatahrafavalisia ź bieł-čyrvona-biełym ściaham, jaki ŭziali ŭ kahości z prysutnych udzielnikaŭ maršu.
Ich apaznali na fotazdymkach i da suda źmiaścili ŭ SIZA №1.
Sud daŭ im pa try hady chatniaj chimii.
Ciapier u SIZA Minska znachodzicca ich dačka, palitźniavolenaja Darja Tarasievič, jakuju zatrymali 9 lipienia za ŭdzieł u akcyjach pratestu.
Čerhaŭ na miažy ciapier nie budzie? Čaho čakać ad adkryćcia «Bruzhoŭ» i «Bierastavicy»9
Kamientary