На верхнім ярусе вежы Гедыміна Лідскага замка адкрылася археалагічная выстава пад назвай «Скарбы археалогіі». На выставе паказалі ўнікальныя артэфакты з фондаў музея. Усе яны знойдзеныя пры раскопках замка, паведамляе Reform.by.
У адкрыцці выставы браў удзел кандыдат гістарычных навук Алег Трусаў, які на працягу некалькіх гадоў вёў раскопкі Лідскага замка.
Выстава ў Лідскім замку будзе працаваць некалькі месяцаў.
Лідскі замак, закладзены вялікім князем літоўскім Гедымінам, уваходзіў у абарончы пояс, створаны на заходніх межах Вялікага Княства Літоўскага для абароны ад нападаў крыжакоў.
Даследаванне замка праводзілі беларускія археолагі Міхась Ткачоў, Яраслаў Звяруга, Алесь Краўцэвіч, Алег Трусаў.
Апрацаваная i часткова адрэстаўраваная калекцыя археалагічных знаходак спачатку захоўвалася ў Лідскім краязнаўчым музеі.
Глядзіце таксама:
«Іване, ты жывеш!» У нядзелю пройдзе шпацыр па Вільні памяці Івана Луцкевіча
У Лошыцкім парку з'явіцца выставачны комплекс. Што там будзе?
У Беластоку адкрылі выставу рэпрэсаванага беларускага мастацтва. Яе прысвяцілі памяці Алеся Пушкіна
Каментары