Спорт1111

Былы ўкраінска-беларускі футбаліст Арцём Мілеўскі шпіталізаваны, яго стан цяжкі

Экс-гулец зборнай Украіны Аляксандр Аліеў распавёў пра стан свайго сябра і былога беларускага футбаліста Арцёма Мілеўскага.

З пачаткам вайны Арцём Мілеўскі набраў вагу і ўпаў у дэпрэсію 

«Дзякуй богу, яго ўдалося пакласці ў бальніцу. Ён ужо на працягу пяці дзён там. Стан, вядома, вельмі цяжкі, але нічога, дактары змагаюцца», — сказаў ён.

Аліеў выказаў падзяку кіеўскаму «Дынама» і прэзідэнту клуба Ігару Суркісу, якія ўзялі ўсе выдаткі на сябе.

Што менавіта здарылася з Мілеўскім, дакладна невядома. Апошнім часам яго прыхільнікі адзначалі, што 38-гадовы Мілеўскі выглядае не найлепшым чынам.

На яго стан неаднаразова звярталі ўвагу. У пачатку гэтага года ўкраінскі журналіст Сяргей Балотнікаў расказваў: «Я так разумею, што Мілеўскага вельмі псіхалагічна прыбіла вайна. Ён нічога не хоча. Мне падаецца, што ў яго прафесійная дэпрэсія. Ён не можа сябе рэалізаваць у цяперашніх умовах».

У тым жа ключы выказваўся спартыўны каментатар Раман Бебех: «Я з Мілеўскім размаўляў — на яго моцна паўплывала вайна, калі ён убачыў, як бамбяць, як паміраюць людзі. Ён не хоча здымаць кантэнт, лічыць, што [цяпер] гэта не важна. Ён толькі адыходзіў ад завяршэння кар'еры, пачалася вайна — і гэта яшчэ больш яго зацягнула ў дэпрэсіўны стан. На яго ўплывае ўсё: што прылятае з ягонай роднай краіны, што бацькі не разумеюць».

Здаецца, што сітуацыю Арцём топіць у алкаголі — у не самым прывабным выглядзе ён ужо трапляў у некалькі лакальных канфліктаў.

Арцём Мілеўскі нарадзіўся ў Мінску, але ў юнацкім узросце пераехаў у Кіеў і заявіў аб жаданні гуляць за Украіну. Гэта выклікала вялікі скандал і неадназначную рэакцыю ў футбольных колах. Чатырохразовы чэмпіён Украіны, удзельнік чэмпіянату свету па футболе. У канцы кар'еры вярнуўся ў Беларусь, дзе ў складзе брэсцкага «Дынама» выйграў чэмпіянат і кубак краіны. 

Лічылася, што футбаліст меў вялікі талент, які не змог рэалізаваць. Ён стаў удзельнікам шматлікіх скандалаў. 

Чытайце таксама:

Як цяпер выглядае былы ўкраінска-беларускі футбаліст Арцём Мілеўскі. Заўзятары б'юць трывогу

«Набраў 10-12 кг, апух, заплыў». Былы футбаліст Арцём Мілеўскі пасля пачатку вайны ўпаў у дэпрэсію

Каментары11

  • Диего Брестский
    25.09.2023
    Чего ж ты так, Тёма, погрустнел? Всё ж нормально было в 2020м: хороший президент, отличная страна, всё правильно...
  • Ёсік
    25.09.2023
    Фанабэрысты хлопец па-за футболам. Моцныя напоі, дзяўчаты, а мо і забароненае рэчыва і не да такого стану прыйдзеш.
  • Кастусiк
    25.09.2023
    Памятаю яго забегi пасля гола на стадыене Дынама у Менску двадцать год таму.... Гуляю ен тады за зборную Украiны, забiу́ гол у брамку беларусау́. Кароткая ва усiх память, на жаль. Карма ....

Цяпер чытаюць

Трамп падымае мыты супраць Кітая да 125%, прыпыняе іх супраць іншых краін35

Трамп падымае мыты супраць Кітая да 125%, прыпыняе іх супраць іншых краін

Усе навіны →
Усе навіны

У Мінску людзей кармілі здыхляцінай, нават дзяцей у садках12

Галоўнакамандуючы УСУ: Расія фактычна пачала наступ на Харкаўскую і Сумскую вобласці

Прапагандысты згенеравалі голыя здымкі Ментусавай і загрузілі на порнасайт25

«Паспеў зрэагаваць за пару імгненняў да лабавога сутыкнення». Вусцішнае відэа з трасы пад Мінскам2

У Мінску ўжо перапрадаюць блатныя аўтамабільныя нумары з васьмёркай. Колькі просяць?11

Мадура абвясціў надзвычайнае эканамічнае становішча ў Венесуэле ў адказ на мыты ЗША4

Расійскі акцёр Міхаіл Яфрэмаў, які забіў чалавека ў ДТЗ, выйшаў на свабоду пасля амаль 5 гадоў зняволення4

Без Караткевіча і Шагала. У віцебскім лялечным тэатры зніклі з афішы многія спектаклі — у чым прычына?4

«Твой дом заўсёды побач». Мінская мастачка стварае кішэнныя паштоўкі — паглядзіце, як прыгожа

больш чытаных навін
больш лайканых навін

Трамп падымае мыты супраць Кітая да 125%, прыпыняе іх супраць іншых краін35

Трамп падымае мыты супраць Кітая да 125%, прыпыняе іх супраць іншых краін

Галоўнае
Усе навіны →

Заўвага:

 

 

 

 

Закрыць Паведаміць