Змяніліся правілы падачы дакументаў на польскі шэнген: цяпер іх трэба падаваць па месцы рэгістрацыі
Правілы мяняюцца ўжо з наступнага панядзелка, 2 кастрычніка.
Пра змены ў падачы дакументаў на шэнгенскія візы паведамляецца на сайце візавага цэнтра.
З 2 кастрычніка грамадзянам Рэспублікі Беларусь трэба падаваць дакументы на візы шэнген у візавыя цэнтры па тэрытарыяльнай прыкмеце згодна з рэгістрацыяй па месцы жыхарства:
— у візавых цэнтрах у гарадах Мінск, Магілёў і Гомель — грамадзяне РБ, зарэгістраваныя па месцы жыхарства ў Мінскай вобласці, Магілёўскай вобласці, Гомельскай вобласці і Віцебскай вобласці
— у візавых цэнтрах у Брэсце, Баранавічах і Пінску — грамадзяне, зарэгістраваныя ў Брэсцкай вобласці.
— у візавых цэнтрах у гарадах Гродна і Ліда — грамадзяне незалежна ад месца рэгістрацыі
Таксама паведамляецца, што ўладальнікам біяметрычных пашпартоў пры падачы дакументаў на шэнгенскія візы ў візавых цэнтрах Мінскай і Брэсцкай абласцей неабходна прадаставіць дакумент, які пацвярджае рэгістрацыю па месцы жыхарства ў адпаведнай вобласці.
Цяпер чытаюць
Трагедыя ў Барысаўскай бальніцы: унучка пацыента кажа, што на яго звярнулі ўвагу праз шэсць гадзін, калі ўжо пена пайшла з рота — ён памёр15
Каментары