Як выглядае інтэр’ер за 100 тысяч даляраў у невялікай кватэры ў Мінску
Праект у невялікай кватэры са свабоднай планіроўкай у Мінску зрабіла студыя Vae design & architecture. На 57 квадратах трэба было змясціць санвузел, спальню, абʼяднаную кухню-гасцёўню-сталовую і — галоўнае пажаданне кліента — вялікую гардэробную. Дызайнеры стварылі інтэрʼер у асноўным у двух адценнях, піша Realt. Паглядзіце, як выглядае кватэра з рамонтам за 100 тысяч даляраў.
Да дызайнераў звярнулася ўладальніца кватэры ў ЖК «Камфорт Парк». Яна хацела зрабіць на плошчы ў 57,38 м² некалькі пакояў, прасторную гардэробную і санвузел з гаспадарчай часткай у выглядзе шафы, дзе будуць стаяць пральная і сушыльная машыны, а таксама бойлер.
З'ядаць і без таго невялікую прастору вялікай колькасцю сцен не хацелася, таму дызайнеры вырашылі пытанне занавання з дапамогай шкляных канструкцый.
— Важнай задачай праекта было зрабіць светлай асноўную зону. Пры гэтым спальню і гардэробную мы прапанавалі зрабіць у цёмных тонах. Ужо ўвасобленая ў праект ідэя вельмі спадабалася замоўцы, — дзеліцца кіраўнік дызайн-студыі Яўген Варковіч. — Яшчэ адзін важны элемент у інтэр'еры з'явіўся на запыт кліенткі. Яна хацела, каб у кватэры была ляпніна, якая падкрэслівала б яе статус. Так атрымаўся сучасны інтэр'ер з класічнымі ноткамі ў выглядзе насценных молдынгаў, столевых разетак і класічных карнізаў.
Бюджэт праекта склаў каля 100 тысяч даляраў. У кошт уваходзіць поўная рэалізацыя інтэр'еру: матэрыялы, праца будаўнікоў, тэкстыль, бытавая тэхніка, мэбля і іншае.
Кухня-гасцёўня (26,68 м²)
Паколькі ў кватэры ўсяго толькі тры акны, варыянтаў планіровак было няшмат. Дызайнеры вылучылі два акны пад асноўную зону і яшчэ адно — пад спальню.
— Гасцёўня стала месцам, дзе можна размясціць гасцей або пасядзець на камфортнай канапе ля тэлевізара. У абедзенную зону мы паставілі рассоўны стол, і, паколькі ў гаспадыні шмат прыгожых куфляў і вазачак, прапанавалі варыянт шкляной вітрыны.
Кухня ў праекце дастаткова кампактная. Але для аднаго-двух чалавек у ёй хапае месца.
Пярэдні пакой (5 м²)
Пярэдні пакой, які плаўна пераходзіць у гасцёўню, таксама зрабілі светлым. Тут дызайнеры размясцілі шафу для верхняга адзення, паставілі невялікую лаву і вялікае люстэрка.
Спальня (11,67 м²)
Шкляныя канструкцыі адгароджваюць асноўную зону ад спальні. Было выкарыстана шкло з таніроўкай антрацытавага колеру.
— Калі знаходзішся ў агульным пакоі, не відаць, што адбываецца ў спальні. Фрагмент сцяны дапамагае захаваць прыватнасць.
Спальня выканана ў цёмных тонах не проста так. Па словах Яўгена, у прыглушаных адценнях значна прыемней засыпаць. Акрамя ложка ў пакоі ёсць туалетны столік і тэлевізар. Для таго каб спальня, гардэробная і лоджыя не выглядалі асобнымі зонамі, зрабілі іх у адным колеры.
Гардэробная (4,73 м²)
Гардэробная была зроблена максімальна вялікай, і ў ёй захавалі мінімальна дапушчальныя і камфортныя пры перамяшчэнні праходы. Калі святло ў гардэробнай выключана, то бачныя толькі невялікія сілуэты адзення.
Санвузел (6,37 м²)
Памяшканне санвузла ў праекце невялікае. Галоўным запытам замоўцы было арганізаваць прастору так, каб задзейнічаць кожны сантыметр з карысцю. Было прынятае рашэнне паставіць душ замест ванны. За кошт гэтага з'явілася магчымасць размясціць шафу, у якой схавалі пральную і сушыльную машыны, бойлер, канальны кандыцыянер. Таксама ў зашыўцы інсталяцый размясцілі сістэму для захоўвання патрэбных рэчаў.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу4
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары