ФІФА адхіліла экс-кіраўніка іспанскай федэрацыі на тры гады за пацалунак
Луісу Рубіялесу, які пацалаваў у вусны гульца Джэніфер Эрмоса пасля чэмпіянату свету, забаронена займацца футбольнай дзейнасцю на нацыянальным і міжнародным узроўнях.
Дысцыплінарны камітэт ФІФА забараніў былому прэзідэнту Каралеўскай іспанскай футбольнай федэрацыі (RFEF) Луісу Рубіялесу займацца футбольнай дзейнасцю на нацыянальным і міжнародным узроўнях на тры гады, паведамляецца на сайце арганізацыі.
Рубіялес 20 жніўня, пасля фіналу чэмпіянату свету ў Сіднеі, пацалаваў у вусны футбалістку Джэніфер Эрмоса. Пасля гэтага Эрмоса заявіла, што ёй гэта не спадабалася, а пазней назвала сябе ахвярай сэксісцкага ўчынку без якой-небудзь згоды з яе боку.
Рубіялес спачатку адмаўляўся ісці ў адстаўку, але яго часова адхіліла ФІФА, а пракуратура выставіла яму абвінавачанне ў сэксуалізаваным гвалце, ён можа атрымаць да чатырох гадоў турмы.
Рубіялес кіраваў RFEF з 2018 года, у верасні ён пайшоў у адстаўку.
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам17
Каментары