У Ровенскай вобласці пабачылі вайсковую калону пад БЧБ-сцягамі. Што гэта было?
5 лістапада ў сеціве з'явіліся фота і відэа з калонай вайсковых джыпаў, пікапаў і грузавікоў пад бел-чырвона-белымі сцягамі. На транспарце таксама бачны нанесены шасціканцовы крыж Еўфрасінні Полацкай.
Сцвярджалася, што відэа знята ў Ровенскай вобласці Украіны і што калона едзе ў бок беларускай мяжы. Гэты рэгіён мяжуе з Беларуссю ў раёне Пінска і Лунінца.
Хто арганізаваў рух гэтай калоны?
«Не ведаем, але прыгожа», — адказалі «Нашай Ніве» ў прэсавай службе Палка Каліноўскага.
«Гэта ІПСА (інфармацыйна-псіхалагічная спецыяльная аперацыя — НН)», — патлумачыў нам Генадзь Манько, кіраўнік місіі дэмакратычнай Беларусі ў Кіеве.
На ўдакладняльнае пытанне, хто арганізаваў гэтую спецаперацыю і ці ўдзельнічалі ў ёй беларусы, Манько адказаў, што яму гэта невядома.
«Нашы добраахвотнікі шматзначна ўсміхаюцца», — адказаў Манько.
«Сыночак, ты ў мяне адзін». Маці з Дуброўна просіць 18‑гадовага сына вярнуцца з расійскай арміі і звяртаецца да Лукашэнкі11
«Сыночак, ты ў мяне адзін». Маці з Дуброўна просіць 18‑гадовага сына вярнуцца з расійскай арміі і звяртаецца да Лукашэнкі
Адвакат Аляксандр Данілевіч: Мяне адвялі ў клетку на КПП і зачыталі ўказ для службовага карыстання пра памілаванне па просьбе Міжнароднага алімпійскага камітэта1010
Каментары