Грамадства33

У праект 12-га пакета санкцый Еўрасаюза за вайну ва Украіне трапілі 11 беларусаў

Дэталі 12-га пакета санкцый Еўрасаюза за вайну, развязаную Расіяй супраць Украіны і яе падтрымку ўладамі Беларусі, даведалася «Радыё Свабода».

Фота: Valeriy Voennyy / vecteezy.com

У новы пакет санкцый, якія плануе ўвесці Еўрасаюз супраць Расіі і Беларусі, могуць увайсці 11 прадстаўнікоў абароннай сферы Беларусі. Іх абмяжуюць у магчымасці атрымаць візы і замарозяць актывы.

Як стала вядома «Радыё Свабода», сярод іх:

  • першы намеснік старшыні Дзяржаўнага вайскова-прамысловага камітэта Алег Мішчанка, за павелічэнне паставак узбраення і вайсковай тэхнікі ў Расію;

  • намеснік дзяржаўнага сакратара Рады бяспекі Аляксандр Рахманаў (за прасоўванне вайскова-тэхнічнай супрацы з Расіяй);

  • начальнік 230-га агульнавайсковага палігона ў Баранавіцкім раёне Аляксей Лабко (за падрыхтоўку на палігоне мабілізаваных расіян);

  • першы намеснік дзяржаўнага сакратара Рады бяспекі Павел Муравейка (за забеспячэнне развіцця рэгіянальнай групоўкі войскаў Беларусі і Расіі);

  • начальнік Дэпартамента міжнароднага вайсковага супрацоўніцтва Мінабароны Валерый Равенка (за арганізацыю і рэалізацыю вайсковай супрацы з Расіяй);

  • старшыня Камітэта дзяржаўнага кантролю Васіль Герасімаў;

  • начальнік 174-га навучальнага палігона вайскова-паветраных сіл і войскаў СПА Віталь Яфанаў (адказваў за падрыхтоўку расійскіх мабілізаваных);

  • камандзір 61-й авіябазы ў Баранавічах Леанід Давідовіч (базу выкарыстоўвалі для запуску ракет па Украіне);

  • намеснік начальніка Генеральнага штаба Узброеных сіл Беларусі Сяргей Лагадзюк;

  • начальнік Гомельскага філіяла дзяржаўнага прадпрыемства «Белаэранавігацыя» Уладзімір Чаравухін (адказны за выкарыстанне гомельскага аэрапорту для самалётаў паветрана-касмічных сіл Расіі);

  • намеснік старшыні Дзяржаўнага вайскова-прамысловага камітэта Беларусі Вячаслаў Расалай (адказны за перадачу Расіі ўзбраення і вайсковай тэхнікі для вайны ва Украіне).

Чакаецца, што галоўным у 12-м санкцыйным пакеце Еўрасаюза стане забарона гандлю расійскімі алмазамі і звадкаваным газам, а таксама імавернае ўзмацненне ліміту цэнаў на продаж расійскай нафты.

Апроч таго, плануюць забараніць пастаўкі ў Расію хімічных рэчываў, літыевых батарэй, тэрмастатаў, рухавікоў пастаяннага току, матораў для беспілотнікаў, станкі і дэталі абсталявання, якія можна выкарыстоўваць у ваеннай прамысловасці.

Еўракамісія таксама разглядае магчымасць, каб еўрапейскія кампаніі, якія кантралююць грамадзяне Расіі або расійскія юрыдычныя асобы, атрымлівалі дазвол на перавод грошай за межы Еўрасаюза.

Абмеркаванне гэтых прапаноў адбудзецца ў Бруселі на гэтым тыдні.

Каментары3

  • Чаркашкварка
    15.11.2023
    Ну гэтага недастаткова безумоуна, на iх павiнны быць не санкцыi заведзеныя, а крымiнальныя справы за саудзел у вайне i развязванне вайны i выданы ордэры, плюс трэба так перакрыць увесь кiсларод каб застаушыеся паднялi расейскi лука фашысцкi рэжым на вiлы.
  • Бобр
    15.11.2023
    Может стоит ещё сделать симметричный ответ: Санкции к людям выступающие за снятие санкций))).
  • Свабодны чалавек
    16.11.2023
    Гэта проста як вада скрозь пальцы. Не працуе. Але паслабляць ці адмяняць дакладна не трэба

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны12

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Амаль 400‑метровы пуцеправод паміж Каменнай Горкай і Лебядзіным абяцаюць адкрыць да канца года2

На Канары за суткі прыбылі амаль паўтары тысячы мігрантаў5

Карупцыйны скандал у Венгрыі: міністр Орбана закапаў у лесе 17 мільёнаў еўра7

«Лукашэнка ведае, што задумвае Пуцін, і вельмі гэтага баіцца». Чалы пра пагрозу новай вайны41

Алесь Бяляцкі сустрэнецца з чытачамі ў Варшаве, Кракаве і Уроцлаве1

Адна з самых масавых газет Расіі напісала пра «зняцце табу на ліквідацыю» Зяленскага4

У Беларусі ўсё больш машын у продажы. Старыя карчы яшчэ складаней прадаць?3

Украіна нанесла ўдар па аэрадроме Ахтубінска каля Астрахані, у глыбіні Расіі3

Акцёр з «Купалы» выклаў у вольны доступ ШІ-фільм, які прынёс яму 450 тысяч даляраў1

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны12

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць