«Не заўжды». Спявак Vinsent прэзентаваў кранальную песню пра вяртанне дадому
Беларускі спявак Vinsent выдаў новы сінгл і кліп на песню «Не заўжды». Гэта кранальная песня пра вяртанне дадому. У кліпе зняліся зорныя купалаўцы Зоя Белахвосцік, Алег Гарбуз, Валянціна Гарцуева.
Vinsent адзначае, што для яго гэта вельмі асабістая гісторыя:
«Кожны чалавек павінен мець дом. Свой куток на зямлі, дзе ён пачуваецца дома. Хачу пажадаць беларусам, каб яны змаглі як найхутчэй пабачыць сваіх родных і блізкіх. А тым, хто мае такую магчымасць, каб цанілі тое, што маюць.
Калісьці мне бабуля расказала прытчу пра тое, што цёмныя часы заўсёды мінаюць, і я веру ў гэта, што ўсё наладзіцца».
Акторка Зоя Белахвосцік кажа, што песня кранула яе сэрца:
«Мне адразу спадабалася песня, таму я з задавальненнем пагадзілася ўзяць удзел у кліпе. Сцэнар вельмі арыгінальны, і сустрэча на здымачнай пляцоўцы з беларусамі, якіх ведаеш, з якімі працавала, стварыла цёплую, родную атмасферу!
Як быццам мы апынуліся на востраве Беларусь. Спадзяюся, калісьці так і будзе, мы вернемся ў Дом, а дом — гэта спакой, упэўненасць і радасць!»
Песня даступная на ўсіх лічбавых пляцоўках.
Чытайце таксама:
Выйшла кніга пра легендарныя беларускія музычныя медыя. Лёсы некаторых яе аўтараў склаліся нечакана
Башлыкевіч запісаў гарачую афішу да канцэрта. На музыку — толькі абутак і гітара ВІДЭА
Цяпер чытаюць
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце25
Каментары