Як вальсіравалі Дзмітрый Баскаў і Наталля Эйсмант на навагоднім балі Лукашэнкі
Многія ўдзельнікі, асабліва жанатыя, ведалі, што іх здымае камера, і таму вальсіравалі партнёрак выцягнутымі рукамі, на дыстанцыі ў некалькі міністэрскіх жыватоў. Але была пара, якая дэманстратыўна не пераймалася цяжкімі паслябальнымі размовамі. Дзмітрый Баскаў трымаў у сваіх руках Наталлю Эйсмант упэўнена, нібыта клюшку на хакейным катку. Раней яны распівалі таннае віно ў мінскіх дварах, а цяпер пранікнёна танцуюць венскі вальс на прыёме ў Лукашэнкі.
Калі б на безыменным пальцы прэс-сакратаркі Аляксандра Лукашэнкі быў шлюбны пярсцёнак, ён бы адлюстроваў па залі сонечных зайчыкаў, таму што Баскаў ззяў сафітам, мадэллю артаданталагічнай вітрыны.
Бясшчылінная сукенка прэс-сакратаркі не давала пальцам хакеіста зачапіцца, як прадпісвае этыкет вальса, у раёне лапаткі, таму далонь саслізгвала да той мяжы, на якой прыстойная жанчына б пачырванела.
А ў найбольш трапяткія моманты танца паміж целамі партнёраў не ўціснулася б і ПР-73.
Пара Баскаў-Эйсмант з’явілася ў відэа «Пула першага» столькі ж раз, колькі і арганізатар мерапрыемства — 5.
Буйныя планы Эйсмант калі і не адбірала, па праве начальніцы, асабіста, то дакладна пераглядала і адабрала на публікацыю ў «Пуле першага».
Інтрыган убачыў бы ў гэтым нейкі знак, тым больш муж дамы — будучы дэпутат Мінгарсавета Іван Эйсмант — таксама пярсцёнак на руцэ насіць перастаў, саступаючы дарогу сенатару Баскаву.
-
Іміграцыйная і мытная служба ЗША затрымала не менш за дзевяць беларусаў пасля выкліку на праверку
-
«Выдаляеш, як хочаш, хоць цэглай сцірай», або нізкі статус». Гутарка з хлопцам, якога прымусілі ў калоніі знішчыць тату з Пагоняй
-
«Дзе грошы, Франак?» Вячорка тлумачыць сістэму міжнароднай дапамогі грамадзянскай супольнасці і куды ідуць 30 млн ад ЕС
Цяпер чытаюць
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары