У Маскоўскім абласным судзе пачалося слуханне матэрыялаў крымінальнай справы аб дыверсіі, здзейсненай у чыгуначным дэпо падмаскоўнага Арэхава-Зуева. Паводле абвінавачвання, ураджэнцы Беларусі Арцём Брэскі і Кірыл Басько па заданні СБУ падпалілі кабіну электравоза УЛ-10.
За гэтую акцыю, па матэрыялах справы, хлопцы атрымалі ад прадстаўніка ўкраінскай разведкі 65 тысяч расійскіх рублёў (каля 720 даляраў). Пасля затрымання яны прызналі віну і сталі супрацоўнічаць са следствам у разліку на больш мяккае пакаранне, бо па інкрымінаваным ім артыкуле пагражае да 20 гадоў пазбаўлення волі, піша Kommersant.ru.
Кірылу Басько — 19 гадоў, Арцёму Брэскаму — 20 гадоў. Сцвярджаецца, што яны здзейснілі дыверсію 22 снежня 2022 года па ўказанні нейкага Юрыя, з якім маладыя людзі пазнаёміліся ў адным з тэлеграм-каналаў. Незадоўга да гэтага абодва фігуранты звольніліся з працы і мелі патрэбу ў грошах.
Менавіта Юрый і прапанаваў ім грошы за пашкоджанне чыгуначных шляхоў або лакаматыва. За гэта заказчык паабяцаў фігурантам 65 тысяч рублёў, пасля таго як ён атрымае ад іх відэасправаздачу аб правядзенні акцыі.
Яны ўзялі каністру з бензінам. Позна ўвечары 22 снежня 2022 года, гаворыцца ў справе, праніклі на тэрыторыю чыгуначнага дэпо Арэхава-Зуева. Спачатку, па дадзеных следства, яны паспрабавалі падпаліць электравоз УЛ 10 звонку, абліўшы яго бензінам. Але з гэтай задумы ў іх нічога не выйшла.
Тады хлопцы, паводле версіі следства, здолелі выявіць кабіну машыністаў, разлілі бензін унутры і падпалілі яго. Усе падзеі яны знялі на відэа, якое адаслалі заказчыку Юрыю. Той не падмануў і пералічыў на пазначаны выканаўцамі рахунак 65 тысяч.
На гэтым, па даных супрацоўнікаў ФСБ, маладыя людзі вырашылі не спыняцца. Праз некалькі дзён яны набылі ўжо дзве каністры з бензінам і схавалі іх у хостэле, дзе звычайна начавалі. Аднак небяспечную вадкасць выявіла прыбіральшчыца, якая паведаміла пра знаходку гаспадарам установы, а тыя — сілавікам.
Маладыя людзі былі затрыманыя аператыўнікамі спецслужбаў на станцыі Масква-Курская.
Кірыл Басько і Арцём Брэскі віну прызналі адразу ж пасля затрымання. Па словах іх адваката, абодва фігуранты актыўна супрацоўнічалі са следствам і распавялі ўсё, што ім было вядома аб заказчыку злачынства. Зрэшты, затрымаць апошняга наўрад ці магчыма, паколькі сілавікі лічаць, што ён дзейнічаў, хутчэй за ўсё, з-за мяжы.
Двух беларусаў арыштавалі ў Маскве і абвінавацілі ў падпале электравоза
У Полацку адбыліся затрыманні з нагоды дыверсіі ў расійскім тунэлі, у якой абвінавачваюць беларуса
Затрыманы за дыверсію ў расійскім тунэлі беларус — шматдзетны бацька, які не змаўчаў у 2020-м
Суд у Омску арыштаваў на 53 дні беларуса, якога абвінавачваюць у тэракце на БАМе
Цяпер чытаюць
У Церцеля прагучаў новы акцэнт: «разрадка ў цэлым той напружанасці» ў адносінах з Польшчай і Балтыяй13
Каментары