Стала вядома, калі Мбапэ нарэшце можа вызначыцца са сваім будучым клубам
Мыльная опера вакол сыходу зорнага француза з ПСЖ цягнецца ўжо некалькі месяцаў і шмат каму надакучыла.
Іспанскі журналіст Франсуа Галарда ў сацсетцы Х (раней Twitter) падзяліўся новымі падрабязнасцямі наконт будучага форварда «Пары Сен-Жэрмен» і зборнай Францыі Кіліяна Мбапэ, піша Championat.com.
Журналіст заявіў, што Мбапэ не заключаў ніякіх пагадненняў з мадрыдскім «Рэалам»: ці то пісьмовых дакументаў, ці то вуснай дамоўленасці. Больш за тое, таленавіты форвард не кантактаваў з прадстаўнікамі «каралеўскага клуба» ўжо больш за 15 дзён.
Галарда таксама дадаў, што ў асабістай размове Кіліян Мбапэ даў зразумець, што мае намер вызначыцца са сваім будучым клубам у сакавіку 2024 года, то-бок прыкладна праз паўтара месяца.
Некалькі крыніц нядаўна паведамілі пра тое, што Мбапэ ўзгадніў свой кантракт з «Рэалам», а каралеўскі клуб, у сваю чаргу, гатовы замацаваць за знакамітым французам 10-ы нумар, пад якім цяпер выступае легенда клуба Лука Модрыч. Харват у сваю чаргу з'едзе або ў Саудаўскую Аравію, або ў «Інтэр Маямі» да Бэкхэма і Месі.
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары