«І мы павінны быць гатовыя да гэтага моманту», — кажа Гітанас Наўседа.
Кіраўнік Літвы Гітанас Наўседа сказаў, што яшчэ два гады ўвага Расіі мае быць засяроджаная на вайне ва Украіне. Аднак, як заявіў прэзідэнт тэлеканалу LRT, крамлёўскі рэжым хоча кінуць выклік усяму NATO, піша Delfi.lt.
«Я не мог бы сказаць гэта толькі пра краіны Балтыі. Я б сказаў, што Расія хоча кінуць выклік усяму NATO. І мы павінны быць гатовыя да гэтага моманту», — сказаў у аўторак тэлеканалу LRT Наўседа. «Як толькі Расія, калі ёй удасца гэтага дамагчыся, пераломіць ход вайны ва Украіне, яны, па-за ўсякім сумневам, пачнуць рэалізоўваць свае сярэднетэрміновыя і доўгатэрміновыя планы, якія вельмі амбіцыйныя, а менавіта, ( … ) падкрэсліваю, рэальна здзяйсняльныя», — дадаў ён.
Прэзідэнт Літвы, ацэньваючы меркаванне міністра замежных спраў Габрыэлюса Ландсбергіса пра пагрозы Літве, падкрэсліў, што гэта хутчэй гіпатэтычныя сцэнары.
Аднак, паводле яго слоў, вялікай розніцы паміж гэтай інфармацыяй і рэальнай інфармацыяй, якая даецца адказнымі службамі дзяржавы, няма.
«Службы канстатуюць, што магчымасці Расіі цяпер выведзеныя ва Украіну, бо ім патрэбныя ўсе гэтыя магчымасці, каб яны маглі паспяхова, як яны мяркуюць, ваяваць з Украінай, і ў выніку мы нават назіраем вывад некаторых баявых сіл з прылеглых да нас рэгіёнаў», — заявіў Наўседа, падкрэсліўшы, што такая інфармацыя, якая даецца службамі, не павінна ўводзіць грамадскасць у зман.
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары