Мінчуку за данаты на 50 даляраў і каментары ў інтэрнэце далі пяць гадоў калоніі і гіганцкі штраф
Мінскі гарадскі суд вынес прысуд палітзняволенаму Андрэю Савінскаму.
Яго абвінавацілі яго ў распальванні сацыяльнай варожасці альбо варажнечы (ч. 1 арт. 130 КК) і фінансаванні экстрэмісцкай дзйнасці (ч. 1 і ч. 2 арт. 361-2 КК). Справу разглядала суддзя Вера Галаўкова.
Паводле абвінавачання, Савінскі за паўтара года перавёў на рахункі фондаў, прызнаных «экстрэмісцкімі», суму, эквівалентную 50$. Пры гэтым неаднаразова выкарыстоўваў свой акаўнт у фэйсбуку.
Таксама ён у адным з тэлеграм-чатаў размясціў чатыры тэкставыя паведамленні, нібыта скіраваныя на распальванне сацыяльнай варожасці ў грамадстве.
У выніку Андрэю прызначылі 5 гадоў пазбаўлення волі ў калоніі ўзмоцненага рэжыму, а таксама штраф у памеры 200 базавых велічынь (7400 рублёў).
Падтрымайце палітвязня: Турма № 4. 212011, г. Магілёў, вул. Крупскай, 99А. Андрэй Юр’евіч Савінскі.
Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!55
Каментары