Аказваецца, мяса нават у якаснай каўбасе менш, чым вы ўяўляеце.
Пэўным узроўнем прэстыжу і якасці беларускай прадукцыі можна назваць тое, што яе падрабляюць, лічыць першы намеснік старшыні Дзяржаўнага камітэта па стандартызацыі Алена Маргунова, піша БелТА. А падрабляюць нашу малочную, мясную, кандытарскую прадукцыю, на думку Маргуновай, бо яна адпавядае стандартам.
«Калі гэта шакалад, то гэта сапраўды шакалад, а не кандытарская або тлушчавая глазур з выкарыстаннем эквівалентаў і заменнікаў какава-масла», — гаворыць спецыяліст.
Тое самае, паводле яе слоў, тычыцца і каўбасы.
«Калі гэта каўбаса, то там павінна быць не менш за 60% мясной сыравіны», — кажа Маргунова.
Спецыяліст дадае, што дзяржаўныя стандарты ў сваёй большасці — добраахвотныя, але калі вытворца ўключае нават нейкі пэўны абзац стандарту ў сваю дакументацыю або ўказвае адпаведнасць яму ў маркіроўцы, то ён абавязвае сябе выконваць яго патрабаванні.
Цяпер чытаюць
«Беларусь цябе любіць». Рэпартаж з развітання з Мікітам Мелказёравым5
Каментары