«Хулі ты голымі цыцкамі прыехала трэсці на конкурс?» Беларуская ўдзельніца конкурсу прыгажосці абразіла ўкраінку
Міжнацыянальны скандал адбыўся на конкурсе прыгажосці «Міс Еўропа — 2024», што прайшоў у Ліване. Украінская ўдзельніца Мілена Мельнічук у сацсетках распавяла, што трапіла там у пекла.
У інстаграме дзяўчына расказала, што яшчэ напярэдадні на яе «хлынуў хэйт ад расіян»: ёй тэлефанавалі з пагрозамі, называлі «нацысткай і фашысткай», пагражалі распаўсюдзіць порна з прыфаташопленым ейным тварам.
На самім конкурсе арганізатары прымушалі яе фатаграфавацца побач з расійскай удзельніцай, а калі яна адмаўлялася, абражалі яе і пагражалі.
Дызайнер конкурсу «Міс Еўропа — 2024», паводле слоў Мельнічук, выдаў ёй і расіянцы аднолькавыя сукенкі, каб яны выглядалі «як сяброўкі». Харэограф ставіў абедзвюх дзяўчат побач на сцэне, казаў, што яму «по**й на вайну ва Украіне», і называў украінку «хахлушкай».
А ўжо пасля фіналу беларуска Ірына Максімовіч пачала крычаць на ўвесь аўтобус і абражаць украінскую ўдзельніцу. Гэта відэа з віцяблянкай Мілена выклала ў сеціва.
Што папярэднічала такой агрэсіі беларускі, невядома, але супакойвалі яе і ахоўнік, і самі дзяўчаты.
«Ты кажаш, Расія г*но, Беларусь г*но, а Украіна што? Якога хрэна ты прыехала голымі цыцкамі трэсці на конкурс», — кажа на відэа дзяўчына.
Украінка ў гэты час на відэа нічога не адказвала, а беларуску ўсе прасілі замоўкнуць.
Беларуска на конкурсе заняла трэцяе месца, расіянка Роза Гадзіева — першае.
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?35
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары