Крыніцы расійскіх выданняў «Ізвестія» і «Фантанка» паведамілі пра адстаўку Мікалая Яўменава з пасады галоўнакамандуючага вайскова-марскога флота Расіі.
Яўменаў кіраваў расійскім флотам з мая 2019 года. Яго, па інфармацыі выдання, заменіць адмірал Аляксандр Маісееў, які камандаваў Паўночным флотам.
Пра кадравае рашэнне, як паведамляецца, ужо давялі асабоваму складу. Але Яўменаў пакуль застаецца пазначаны галоўнакамандуючым на сайце Мінабароны Расіі.
Адстаўка Яўменава адбылася на фоне перахопу ініцыятывы Украінай у Чорным моры — ноччу 5 сакавіка ГУР атакаваў патрульны карабель «Сяргей Котаў». Цяпер колькасць караблёў РФ у партах анексаванага Крыма зведзеная да мінімуму — засталіся толькі тыя, якім не знайшлося месцы ў пунктах базавання Наварасійска, Сочы і Туапсэ, але ў мора яны не выходзяць.
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г2
Каментары