Свет66

Пасля заявы Пуціна пра гатоўнасць да ядзернай вайны Варшава пачынае будаваць бамбасховішчы

Улады Варшавы выдзеляць 117 млн ​​злотых (каля $30 млн) на будаўніцтва бамбасховішчаў і іншыя меры бяспекі, паведаміў мэр польскай сталіцы Рафал Тшаскоўскі.

 Рафал Тшаскоўскі. Фота: старонка палітыка ў фэйсбуку

Па словах мэра, будаўніцтва бамбасховішчаў — частка стратэгіі Варшавы на бліжэйшыя гады, накіраванай на «найбольш значныя інвестыцыі, якія дазволяць падрыхтавацца да любой непрадбачанай акалічнасці». 

Улады Варшавы пайшлі на гэты крок пасля таго, як прэзідэнт Расіі Уладзімір Пуцін, паведаміў, што тэхнічна Расія гатова да ядзернай вайны. Адпаведную заяву ён зрабіў у інтэрвʼю Дзмітрыю Кісялёву. 

Нядаўняя праверка бамбасховішчаў у Польшчы паказала, што менш за чатыры працэнты насельніцтва краіны маюць доступ да хованак у выпадку магчымага нападу і яны не адпавядаюць базавым правілам і тэхнічным характарыстыкам. У рамках новай праграмы «Варшава абараняе» бамбасховішчы плануюць забяспечыць электрычнасцю і вадой. 

Таксама Тшаскоўскі адзначыў, што бальніцам дапамогуць падрыхтавацца да небяспекі і надзвычайных сітуацый. 

У якасці бамбасховішчаў прапануецца, у тым ліку, выкарыстоўваць падземныя паркоўкі і станцыі метро. Пад гэтыя мэты могуць быць перапрафіляваныя 7 мільёнаў квадратных метраў плошчаў у Варшаве, сказаў мэр.

Калі Расія пачала поўнамаштабнае ўварванне ва Украіну ў 2022 годзе, Кіеў выкарыстаў падобную тактыку, схаваўшы 15 000 сваіх грамадзян у сістэме метро з 52 станцый. 

Між тым, іншыя краіны, якія мяжуюць з Украінай, узмацнілі меры бяспекі. Пасля таго, як у Румыніі выявілі абломкі беспілотнікаў на сваёй тэрыторыі, краіна пачала будаваць бамбасховішчы каля мяжы з Украінай.

Каментары6

  • А
    14.03.2024
    неяк крывадушна гэта гучыць ад паноў, бо польскі экспарт у рф і імпарт адтуль па ранейшаму ідзе ў два бакі, а яны значыць вырашылі бамбасховішчамі заняцца. а перастаць гандляваць з агрэсарамі не спрабавалі?
  • *
    14.03.2024
    А дапаможа?
  • Гнида наркоман
    14.03.2024
    А, в РП тоже умеют бюджет пилить!

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць