Расіянін знайшоў чужы пашпарт і паспрабаваў па ім вылецець з Мінска ў Ерэван. А раптам пашанцуе?
Інцыдэнт адбыўся 24 красавіка ў Нацыянальным аэрапорце Мінск.
Замежнік пры вылеце з Беларусі ў Арменію паказаў для праверкі пашпарт грамадзяніна Расійскай Федэрацыі.
Кантралёр засумняваўся, і спецыяльная праверка пацвердзіла: дакумент не належыць прад'яўніку, паведамляе Памежны камітэт.
Са слоў затрыманага, ён з'яўляецца грамадзянінам Расіі. Ён растлумачыў, што не мог афіцыйна атрымаць замежны пашпарт, бо яго ўнутраны расійскі пашпарт з'яўляецца несапраўдным, а яшчэ ў яго ёсць розныя даўгавыя абавязацельствы.
Мужчына паведаміў, што чужы пашпарт выпадкова знайшоў на тэрыторыі Расіі і вырашыў з яго дапамогай перасекчы беларускую мяжу. Канчатковай кропкай яго маршруту быў Ерэван, дзе ён меў намер атрымаць прытулак.
Зараз парушальнік знаходзіцца ў ІЧУ Мінгарвыканкама. За спробу незаконнага перасячэння мяжы і парушэнне правілаў транзітнага праезду пачаты адміністрацыйны працэс. Штраф за гэтыя правапарушэнні— — да 100 базавых велічынь (4000 рублёў).
Але за выкарыстанне загадзя падробленых дакументаў пагражае і крымінальная адказнасць — да двух гадоў абмежавання волі.
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары