Rasijanin znajšoŭ čužy pašpart i pasprabavaŭ pa im vylecieć ź Minska ŭ Jerevan. A raptam pašancuje?
Incydent adbyŭsia 24 krasavika ŭ Nacyjanalnym aeraporcie Minsk.
Zamiežnik pry vylecie ź Biełarusi ŭ Armieniju pakazaŭ dla pravierki pašpart hramadzianina Rasijskaj Fiederacyi.
Kantralor zasumniavaŭsia, i śpiecyjalnaja pravierka paćvierdziła: dakumient nie naležyć pradjaŭniku, paviedamlaje Pamiežny kamitet.
Sa słoŭ zatrymanaha, jon źjaŭlajecca hramadzianinam Rasii. Jon rastłumačyŭ, što nie moh aficyjna atrymać zamiežny pašpart, bo jaho ŭnutrany rasijski pašpart źjaŭlajecca niesapraŭdnym, a jašče ŭ jaho jość roznyja daŭhavyja abaviazacielstvy.
Mužčyna paviedamiŭ, što čužy pašpart vypadkova znajšoŭ na terytoryi Rasii i vyrašyŭ ź jaho dapamohaj pierasiekčy biełaruskuju miažu. Kančatkovaj kropkaj jaho maršrutu byŭ Jerevan, dzie jon mieŭ namier atrymać prytułak.
Zaraz parušalnik znachodzicca ŭ IČU Minharvykankama. Za sprobu niezakonnaha pierasiačeńnia miažy i parušeńnie praviłaŭ tranzitnaha prajezdu pačaty administracyjny praces. Štraf za hetyja pravaparušeńni— — da 100 bazavych vieličyń (4000 rubloŭ).
Ale za vykarystańnie zahadzia padroblenych dakumientaŭ pahražaje i kryminalnaja adkaznaść — da dvuch hadoŭ abmiežavańnia voli.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary